Gyanvapi Masjid : वाराणसीच्या (Varanasi) ज्ञानवापी कॅम्पसमध्ये सापडलेले शिवलिंगच नाही तर संपूर्ण वादग्रस्त जागेला भारतीय पुरातत्व सर्वेक्षण विभागाने (ASI) वैज्ञानिक तपासणीसाठी जिल्हा न्यायालयाने (Varanasi District Court)मान्यता दिली आहे. या प्रकरणी न्यायालयाने अंजुमन इंतेजामिया मस्जिद कमिटीला (Anjuman Intejamia Masjid Committee) आक्षेप नोंदवण्यासाठी 19 मेपर्यंत मुदत दिली आहे. अर्जाची प्रत मस्जिद समितीला देण्यात आली. यासोबतच न्यायालयाने या खटल्याची सुनावणी 22 मे रोजी ठेवली आहे.
ईश्वर चिठ्ठी राम शिंदेंना पावली ! जामखेडमध्ये भाजपचा सभापती, राष्ट्रवादीचा उपसभापती
सर्वोच्च न्यायालयाचे वकील विष्णू शंकर जैन यांनी सहा याचिकाकर्त्यांच्या वतीने सर्वेक्षण करण्याची विनंती केली आहे. ते म्हणाले की, सनातन हिंदू धर्मावर श्रद्धा असलेल्या सर्वांची इच्छा आहे की, आपल्या आराध्य आदि विश्वेश्वराशी संबंधित ज्ञानवापी सत्य बाहेर यावे. ज्ञानवापी येथे आदिविश्वेश्वराचे मंदिर कधी बांधले गेले? हे सर्वांना माहीत असावे, असेही त्यांचे मत आहे.
ते म्हणाले की यासाठी आम्ही आता न्यायालयाला कार्बन डेटिंग आणि ग्राउंड पेनिट्रेटिंग रडार (GPR) तंत्रज्ञानाचा वापर करुन भारतीय पुरातत्व सर्वेक्षणाद्वारे संपूर्ण विवादित जागेचे सर्वेक्षण करण्यास सांगितले आहे. अनादी काळापासून आपल्या श्रद्धेचे केंद्र असलेली आपली धार्मिक स्थळे परकीय आक्रमकांनी तलवारीच्या बळावर उद्ध्वस्त केल्याचे वकिलांनी सांगितले.
ज्ञानवापीच्या संबंधीत या प्रश्नांची उत्तरे देशातील जनतेला मिळणे गरजेचे आहे, असे मत अधिवक्ता विष्णू शंकर जैन यांनी व्यक्त केले. ज्ञानवापी येथे आढळणारे शिवलिंग किती प्राचीन आहे? हे शिवलिंग स्वयंभू आहे की ते कोठूनतरी आणून स्थापित केले आहे? वादग्रस्त जागेचे वास्तव काय आहे? वादग्रस्त जागेखाली दडलेले सत्य काय? मंदिर पाडून वर तीन कथित घुमट कधी बांधले गेले? तीन कथित घुमट किती जुने आहेत? आदी प्रश्न आहेत.
त्याचवेळी राम प्रसाद सिंह, महंत शिवप्रसाद पांडे, लक्ष्मी देवी, सीता साहू, मंजू व्यास आणि रेखा पाठक यांच्याकडून याचिका दाखल केली जाणार असल्याचे सर्वोच्च न्यायालयाच्या वकिलांनी सांगितले. ज्ञानवापीची आई शृंगार गौरी प्रकरणात या चारही महिला आधीच याचिकाकर्त्या आहेत.
