आमिर खान आणि अरिजीत सिंह यांचं खास नातं, ‘एक दिन’च्या पहिल्या गाण्यासाठी मुर्शिदाबादमधील शूटची झलक समोर

Aamir Khan : आमिर खान यांच्या काम करण्याच्या खास शैलीची झलक पुन्हा एकदा पाहायला मिळाली आहे. ‘एक दिन’ या चित्रपटाच्या पहिल्या गाण्याच्या रेकॉर्डिंगसाठी आमिर खान स्वतः अरिजीत सिंह (Arijit Singh) यांच्या होमटाउन मुर्शिदाबादला पोहोचले. त्याचबरोबर Aamir Khan Productions यांनी एक खास व्हिडिओ रिलीज केला आहे, ज्यामध्ये अरिजीत यांच्या मधुर आवाजातील हे गाणे ऐकायला मिळते.

अरिजीत सिंह यांच्या रिटायरमेंटच्या चर्चांदरम्यान आमिर खान यांनी त्यांची भेट घेत त्यांना आपला निर्णय बदलण्याची विनंती केल्याची चर्चा होती. या सर्व चर्चांना पूर्णविराम देत आमिर यांनी एक पोस्टर शेअर करून ‘एक दिन’साठी अरिजीत यांनी आवाज दिल्याबद्दल त्यांचे आभार मानले. या चित्रपटात Junaid Khan आणि Sai Pallavi मुख्य भूमिकेत आहेत.

आमिर खान चार दिवस मुर्शिदाबादमध्ये अरिजीत यांच्या कुटुंबासोबत राहिले होते. देशातील सर्वाधिक लोकप्रिय गायकांपैकी एक असलेल्या अरिजीत यांच्या भावनिक आणि हृदयस्पर्शी आवाजाचीच गरज या रोमँटिक कथेसाठी असल्याचे आमिर यांना वाटत होते.

या दोघांनी मिळून चित्रपटाच्या पहिल्या गाण्यावर बारकाईने काम केले आहे. त्याचाच परिणाम म्हणजे ‘एक दिन’चे हे आत्म्याला भिडणारे टायटल ट्रॅक. हृदयस्पर्शी शब्द आणि सुंदर संगीतामुळे हे गाणे प्रेमाचे सदाबहार गीत ठरणार आहे. या स्पेशल व्हिडिओमध्ये मुर्शिदाबादमधील साधे, सुंदर आणि भावनिक बिहाइंड-द-सीन (BTS) क्षण दाखवण्यात आले आहेत. आमिर प्रत्येक छोट्या तपशीलात सहभागी होताना दिसतात—चर्चा करताना, मार्गदर्शन करताना आणि गाण्याला एक खास रूप देताना.

कथाकथनाच्या बारकाव्यांसाठी ओळखले जाणारे आमिर खान पुन्हा एकदा त्यांच्या समर्पणामुळे चर्चेत आहेत. निर्माता आणि आपल्या मुलाच्या प्रवासाला साथ देणारे वडील म्हणून त्यांची ही शांत पण प्रभावी भूमिका ‘एक दिन’ला अधिक वैयक्तिक आणि खास बनवते. ‘एक दिन’च्या निमित्ताने आमिर खान आणि दिग्दर्शक Mansoor Khan दीर्घ काळानंतर पुन्हा एकत्र आले आहेत.

या जोडीने पूर्वी ‘Qayamat Se Qayamat Tak’, ‘Jo Jeeta Wohi Sikandar’, ‘Akele Hum Akele Tum’ आणि ‘Jaane Tu… Ya Jaane Na’ सारख्या संस्मरणीय चित्रपटांची निर्मिती केली आहे. आता ‘एक दिन’सह ही जोडी पुन्हा एकदा रोमँटिक शैलीत प्रेक्षकांसमोर येत असून चाहत्यांमध्ये प्रचंड उत्सुकता आहे.

Aamir Khan Productionsच्या बॅनरखाली तयार झालेल्या ‘एक दिन’चे दिग्दर्शन सुनील पांडे यांनी केले आहे. या चित्रपटाचे निर्माते आमिर खान, मन्सूर खान आणि अपर्णा पुरोहित आहेत. साई पल्लवी आणि जुनैद खान प्रमुख भूमिकेत असलेला हा चित्रपट १ मे २०२६ रोजी प्रदर्शित होणार आहे.