Actress Suchitra Sen : अशी एक अभिनेत्री जिने आयुष्यात सर्व सुख अनुभवले पण एक काळ असा आला जेव्हा अभिनेत्रीची अवस्था प्रचंड वाईट झाली. अभिनेत्रने 1- 2 नाही तर तब्बव 36 वर्ष स्वतःला (Actress) एका खोलीत बंद करुन घेतलं होत. त्या खोलीमध्येच अभिनेत्री राहायची, खायची आणि झोपायची. काही कामासाठी घराबाहेर पडण्याची वेळ अली की, अभिनेत्री चेहरा कपड्याने झाकून घ्यायची. अभिनेत्रीला अशा अवस्थेत पाहून प्रत्येक जण हैराण व्हायचा.
ही अभिनेत्री फक्त हिंदी सिनेमांमध्येच नाही तर, बंगाली सिनेमांमध्ये देखील स्वतःची भक्कम ओळख निर्माण केला. सध्या ज्या अभिनेत्रीची चर्चा रंगली आहे, ती दुसरी तिसरी कोणी नाही तर, अभिनेत्री सुचित्रा सेन आहे. जी मुनमुन सेनची आई होती. सुचित्री यांचे वडील शाळेत हेड मास्तर होते, तर आई गृहिणी… सुचित्रा यांच्या कुटुंबात फिल्मी वातावरण नव्हतं. पण त्यांना अभिनयाची आवड लहानपणापासून होती.
आई-वडिलांकडं असताना सुचित्रा यांना अभिनयाची आवड जोपासता आली नाही. पण लग्नानंतर पती आणि सासऱ्यांनी सुचित्रा यांना स्वप्न पूर्ण करण्यास मदत केली. सुचित्रा सेन यांचं लग्न वयाच्या अवघ्या 15 व्या वर्षी झालं होतं. सासरच्या मंडळींचा सपोर्ट असल्यामुळे सुचित्रा हिने अभिनय विश्वात पदार्पण केलं आणि पाहता-पाहता अभिनेत्री मोठी स्टार झाली. प्रसिद्धी आणि लोकप्रियता मिळाल्यानंतर सुचित्रा त्यांच्या कामात व्यस्त झाल्या आणि संसाराकडे त्यांचं दुर्लक्ष झालं.
त्यांच्या नवऱ्याला परिस्थिती सहन झाली नाही आणि त्यांनी अमेरिकेत जाण्याचा निर्णय घेतला. अशात सुचित्राच्या यांच्या पतीला दारुचं व्यसन लागलं आणि 1970 मध्ये त्यांनी अखेरचा श्वास घेतला. पतीच्या निधनानंतर देखील सुचित्रा यांनी सिनेमांमध्ये काम करणं सुरु ठेवल. सुचित्रा यांनी अनेक हीट सिनेमे हिंदी सिनेविश्वाला दिले. पण 1978 साली प्रदर्शित झालेल्या प्रनोय पाशा सिनेमाला अपयश मिळालं आणि सुचित्रा यांच्या करियरला देखील ब्रेक लागला.
