Bhool Bhulaiyaa 3 OTT Release: प्रेक्षक कार्तिक आर्यनच्या (Karthik Aaryan) आगामी चित्रपट ‘भूल भुलैया 3’ ची (Bhool Bhulaiyaa 3) आतुरतेने वाट पाहत आहेत. ‘भूल भुलैया’ हा चित्रपट खूप हिट ठरला. ज्यामध्ये अक्षय कुमारने (Akshay Kumar) अभिनय केला होता. ‘भूल भुलैया 2’ देखील (Bhool Bhulaiyaa 3) सुपरहिट ठरला होता. यामध्ये कार्तिक आर्यन दिसला होता.
आता ‘भूल भुलैया 3’मध्येही कार्तिक आर्यन (Karthik Aaryan) रूह बाबाच्या भूमिकेत दिसणार आहे. (Bhool Bhulaiyaa 3 First Poster) कार्तिकने नुकतेच त्याच्या चित्रपटाचे नवीन पोस्टर अनावरण केले आहे. त्याने या चित्रपटाचे नवे पोस्टर सोशल मीडियावर शेअर केले असून, त्यामुळे चाहत्यांमध्ये चित्रपटाविषयीची उत्सुकता वाढली आहे. हा चित्रपट सर्वप्रथम थिएटरमध्ये दाखल होणार आहे. यानंतर हा चित्रपट ओटीटीवरही येईल. (OTT) कोणत्या ओटीटीवर प्रेक्षक ‘भूल भुलैया 3’ पाहू शकतील, चला तर मग जाणून घेऊया…
‘भूल भुलैया 3’ नेटफ्लिक्सवर
कार्तिक आर्यनने शेअर केलेल्या ‘भूल भुलैया 3’ च्या पोस्टरवरून हे देखील कळले आहे की हा चित्रपट कोणत्या ओटीटी प्लॅटफॉर्मवर प्रदर्शित होणार आहे. पोस्टरमध्ये नेटफ्लिक्स स्ट्रीमिंग पार्टनर आहे. थिएटरनंतर हा चित्रपट नेटफ्लिक्सवर धडकणार आहे. ‘भूल भुलैया 3’ च्या ओटीटी रिलीज तारखेबद्दल अद्याप कोणतीही माहिती नाही.
Bhool Bhulaiyaa 3 : कार्तिकच्या ‘भूल भुलैया 3’ बाबत मोठी अपडेट, दिवाळीत होणार धमाका
चित्रपट दिवाळीला दाखल होणार
‘भूल भुलैया 3’मध्ये कार्तिक आर्यनसोबत विद्या बालन आणि तृप्ती डिमरीही महत्त्वाच्या भूमिकेत दिसणार आहेत. तिन्ही प्रमुख कलाकारांचा हा चित्रपट यावर्षी दिवाळीच्या मुहूर्तावर प्रदर्शित होणार आहे. विशेष म्हणजे अजय देवगणचा बहुप्रतिक्षित सिंघम अगेन हा चित्रपटही दिवाळीला प्रदर्शित होणार आहे. भूल भुलैया 3 चे दिग्दर्शन अनीस बज्मी यांनी केले आहे.
‘भूल भुलैया 2’ ने 266 कोटींची कमाई केली होती.
‘भूल भुलैया 2’ रिलीज होऊन अडीच वर्षांनी ‘भूल भुलैया 3’ मोठ्या पडद्यावर येणार आहे. भूल भुलैया 3 कडून चाहत्यांना आणि प्रेक्षकांना खूप अपेक्षा आहेत. भूल भुलैया २ बद्दल बोलायचे तर हा चित्रपट मे 2022 मध्ये प्रदर्शित झाला होता. या चित्रपटात कार्तिकसोबत कियारा अडवाणी आणि तब्बू मुख्य भूमिकेत होते. हा चित्रपट 70 कोटींच्या बजेटमध्ये बनवण्यात आला होता. तर बॉक्स ऑफिसवर 266 कोटींहून अधिक कमाई केली होती.
