Jr NTR Devara Advance Booking: सध्या ज्युनियर एनटीआर (Jr NTR ) त्याच्या ‘देवरा पार्ट 1’ (Devara Film) चित्रपटाच्या रिलीजमुळे चर्चेत आहे. आरआरआरच्या (RRR) यशानंतर एनटीआरचे चाहते त्याच्या पुढच्या चित्रपटाची वाट पाहत आहेत. अशा परिस्थितीत 27 सप्टेंबरला त्यांची प्रतीक्षा संपणार आहे. ‘देवरा’ हा या वर्षातील बहुप्रतिक्षित चित्रपटांपैकी एक आहे. या चित्रपटाबाबत तेलगू राज्यांमध्ये प्रचंड उत्सुकता आहे. चाहते चित्रपटाची अॅडव्हान्स बुकिंग (Advance Booking ) सुरू होण्याची आतुरतेने वाट पाहत आहेत. अशा परिस्थितीत आता त्यांच्यासाठी एक आनंदाची बातमी आली आहे. या चित्रपटाच्या अॅडव्हान्स बुकिंगची तारीख आता समोर आली आहे.
अहवालानुसार, तिकिटांच्या किमती वाढवण्याबाबत आंध्र प्रदेश (Andhra Pradesh) आणि तेलंगणा (Telangana) सरकारकडून मंजुरी मिळाल्यानंतर सोमवारपासून म्हणजेच 23 सप्टेंबरपासून बुकिंग सुरू होण्याची अपेक्षा आहे. मात्र, अद्याप अधिकृत दुजोरा मिळालेला नाही. याशिवाय चित्रपटाची क्रेझ पाहता या चित्रपटाचा शो देखील रात्री 1 वाजता होणार आहे, मात्र हा शो मर्यादित स्क्रीनवरच उपलब्ध असेल, असेही सांगण्यात येत आहे.
अमेरिकेत ‘देवरा’ची क्रेझ
ज्युनियर एनटीआरच्या चित्रपटाची क्रेझ देशाबरोबरच परदेशातही पाहायला मिळत आहे. या चित्रपटाने अमेरिकेत एक नवा ट्रेंड सेट केला आहे. ‘देवरा’च्या इंस्टाग्राम पेजवर दोन दिवसांपूर्वी केलेल्या पोस्टनुसार, चित्रपटाने अमेरिकेत प्री-बुकिंग विक्रीमध्ये नवा विक्रम केला आहे. चित्रपटाची 50 हजारांहून अधिक तिकिटे विकली गेली आहेत.
अलीकडेच, ज्युनियर एनटीआरने एका मुलाखतीत दावा केला होता की, चित्रपटाची शेवटची 40 मिनिटे सर्वांना हादरवून टाकतील. एनटीआरने या चित्रपटासाठी 38 दिवस पाण्याखाली आणि जवळपास 60 दिवस पाण्याबाहेर शूट केल्याचे सांगितले होते. यानंतर असे अनेक नेत्रदीपक ॲक्शन सीन्स तयार केले गेले जे कदाचित तुम्ही पाहिले नसतील.
Jr NTR: ज्युनियर एनटीआरच्या आगामी चित्रपटाची बातमी खोटी, अभिनेत्याने स्पष्ट सांगितले
जान्हवी कपूरचा साऊथ डेब्यू चित्रपट
ज्युनियर एनटीआर व्यतिरिक्त, ‘देवरा पार्ट 1’ मध्ये सैफ अली खान (Saif Ali Khan) आणि जान्हवी कपूर ( Janhvi Kapoor ) देखील आहेत. या चित्रपटातून जान्हवी साऊथमध्ये डेब्यू करत आहे. एनटीआर चित्रपटात दुहेरी भूमिकेत आहे. त्याच्यात वडिलांचे एक आणि मुलाचे एक पात्र आहे. यासोबतच या ॲक्शनपॅक ड्रामामध्ये प्रकाश राज, शाईन टॉम चाको, श्रीकांत, मुरली शर्मा, श्रुती मराठे आदी कलाकारांचाही समावेश आहे.
काही काळापूर्वी या चित्रपटाचा ट्रेलर रिलीज झाला होता, जो लोकांना खूप आवडला होता. ट्रेलरमध्ये ज्युनियर एनटीआर आणि सैफ अली खान अतिशय भितीदायक भूमिकेत दिसले. या चित्रपटाची कथा समुद्री चाच्यांभोवती फिरते. याशिवाय एनटीआर आणि सैफ यांच्यात अनेक ॲक्शन्सही दाखवण्यात आल्या आहेत. ट्रेलरच्या एका दृश्यात सैफ एनटीआरला मदत करत असल्याचे दाखवण्यात आले होते. पुढच्या भागात ते एनटीआरला मारण्याचा कट रचत असल्याचे दाखवण्यात आले आहे.
