Jumanji: Open World : ‘जुमानजी: ओपन वर्ल्ड’चा बहुप्रतिक्षित ट्रेलर अखेर प्रदर्शित झाला असून, तो प्रेक्षकांना चित्रपटसृष्टीतील सर्वात मोठ्या साहसी फ्रँचायझींपैकी एकाच्या रोमांचक आणि अनपेक्षित विश्वात पुन्हा घेऊन जातो. ड्वेन जॉन्सन, जॅक ब्लॅक, केविन हार्ट आणि कॅरेन गिलन या लोकप्रिय कलाकारांची फळी पुन्हा एकदा एकत्र येत आहे. हा चित्रपट ॲक्शन, विनोद आणि अविस्मरणीय क्षणांनी भरलेला एक भव्य सिनेमॅटिक अनुभव देण्याचे आश्वासन देतो.
या ट्रेलरमध्ये फ्रँचायझीची वैशिष्ट्यपूर्ण सांगड साहस, विनोद आणि भावना पुन्हा एकदा पाहायला मिळते. यात ड्वेन जॉन्सनची ‘डॉ. स्मोल्डर ब्रेव्हस्टोन’ ही व्यक्तिरेखा जी एकाच वेळी शूर आणि आकर्षक आहे. एका नवीन व अनपेक्षित मोहिमेवर टीमचे नेतृत्व करताना दिसते. जॉन्सन आणि केविन हार्ट (फ्रँकलिन “माउस” फिनबार) यांच्यातील लोकप्रिय जुगलबंदी पुन्हा एकदा आकर्षणाचे केंद्र ठरते; त्यांच्या परस्परविरोधी स्वभावांमुळे गोंधळाच्या परिस्थितीतही अनेक विनोदी क्षण निर्माण होतात. यासोबतच, जॅक ब्लॅकची मजेशीर आणि विलक्षण ‘प्रोफेसर शेल्डन ओबेरॉन’ ही भूमिका आणि कॅरेन गिलनची निर्भय ‘रुबी राउंडहाऊस’ ही भूमिकाही चित्रपटाची रंगत वाढवतात. रुबीची लढाईतील तीक्ष्ण कौशल्ये आणि टीमसोबतची तिची सहज केमिस्ट्री ‘जुमानजी’च्या विश्वातील प्रत्येक आव्हानाला अधिकच रोमांचक बनवते.
जेक कासदान दिग्दर्शित ‘जुमानजी: ओपन वर्ल्ड’मध्ये ड्वेन जॉन्सन, केविन हार्ट, जॅक ब्लॅक, कॅरेन गिलन आणि निक जोनास यांच्या प्रमुख भूमिका आहेत. हा चित्रपट त्या ब्लॉकबस्टर फ्रँचायझीचा वारसा पुढे चालवतो, जिची सुरुवात १९९५ मध्ये रॉबिन विल्यम्स यांच्या क्लासिक चित्रपटाने झाली होती आणि त्यानंतर ‘जुमानजी: वेलकम टू द जंगल’ (२०१७) व ‘जुमानजी: द नेक्स्ट लेव्हल’ (२०१९) द्वारे ती यशस्वीरीत्या नव्याने सादर करण्यात आली होती. हे दोन्ही चित्रपट जागतिक बॉक्स ऑफिसवर प्रचंड यशस्वी ठरले आणि ‘जुमानजी’ला जगातील सर्वात लोकप्रिय साहसी फ्रँचायझींपैकी एक म्हणून प्रस्थापित केले. सोनी पिक्चर्स एंटरटेनमेंट इंडियातर्फे ‘जुमानजी: ओपन वर्ल्ड’ हा चित्रपट २५ डिसेंबर २०२६ रोजी इंग्रजी, हिंदी, तमिळ आणि तेलगू भाषांमध्ये चित्रपटगृहांमध्ये प्रदर्शित केला जाईल.
