‘PAW Patrol: The Dino Movie’ आता 21 ऑगस्ट 2026 रोजी प्रदर्शित होणार

 ‘PAW Patrol: The Dino Movie : लाडक्या डायनोसॉर आणि PAW Patrol ची धाडसी टीम आता प्रेक्षकांना एका भव्य प्रागैतिहासिक साहसावर घेऊन जाण्यास सज्ज झाली आहे. Paramount Pictures निर्मित ‘PAW Patrol: The Dino Movie’ हा बहुप्रतिक्षित अॅनिमेटेड चित्रपट भारतात नियोजित तारखेपेक्षा एक आठवडा आधी, म्हणजेच 21 ऑगस्ट 2026 रोजी प्रदर्शित होणार आहे. हा चित्रपट इंग्रजी आणि हिंदी भाषांमध्ये देशभरातील चित्रपटगृहांत दाखल होईल.

PAW Patrol मालिकेच्या चाहत्यांसाठी हा चित्रपट एका वेगळ्याच आणि रोमांचक विश्वाची सफर ठरणार आहे. डायनोसॉर मुक्तपणे वावरणाऱ्या प्रागैतिहासिक जगात प्रेक्षकांना थरार, रहस्य आणि साहसाचा अनुभव मिळणार आहे. प्रत्येक वळणावर नवीन संकटे आणि आव्हाने उभी ठाकणार असून, त्यांचा सामना करण्यासाठी PAW Patrol ची शूर टीम पुन्हा एकदा सज्ज होणार आहे.

लोकशाही संपवून राष्ट्राध्यक्ष पद्धत आणण्याचा प्रयत्न , 850 खासदारांच्या मुद्द्यावरून संजय राऊतांचा भाजपवर घणाघात

या चित्रपटात मैत्री, धैर्य, संघभावना आणि संकटसमयी योग्य निर्णय घेण्याचे महत्त्व यांचा सुंदर संगम पाहायला मिळणार आहे. लहान मुलांसह संपूर्ण कुटुंबासाठी मनोरंजनाची पर्वणी ठरणाऱ्या या चित्रपटात विनोद, भावनिक क्षण आणि नेत्रदीपक दृश्यांचा भरपूर समावेश असणार आहे. डायनोसॉरच्या रहस्यमय जगात घडणारी ही मोहीम PAW Patrol टीमसमोर आजवरचे सर्वात मोठे आव्हान उभे करणार आहे. आपल्या धाडस, बुद्धिमत्ता आणि एकजुटीच्या जोरावर ही टीम या नव्या संकटांवर कशी मात करते, हे मोठ्या पडद्यावर पाहणे प्रेक्षकांसाठी एक अविस्मरणीय अनुभव ठरणार आहे.

Paramount Pictures निर्मित ‘PAW Patrol: The Dino Movie’ हा बहुप्रतिक्षित चित्रपट आता 21 ऑगस्ट 2026 रोजी भारतातील चित्रपटगृहांत प्रदर्शित होणार असून, लहानग्यांपासून मोठ्यांपर्यंत सर्वांसाठी हा एक रोमांचक सिनेमाई अनुभव ठरण्याची अपेक्षा आहे.