A Perfect Murder : सुप्रसिद्ध हॉलिवूड चित्रपटाच्या मराठी रुपांतराने रंगभूमीवर एक वेगळी ओळख निर्माण करणारा आणि थरार, आणि रहस्य यांचा परिपूर्ण मिलाफ म्हणजे “अ परफेक्ट मर्डर” (A Perfect Murder) या नाटकाने अगदी कमी वेळात प्रेक्षकांच्या मनात खास जागा निर्माण केली आहे.
सर अल्फ्रेड हिचकॉक (Sir Alfred Hitchcock) यांच्या मास्टरपीसच्या मराठी रुपांतराचा पहिला प्रयोग 21 डिसेंबर 2018 रोजी गडकरी रंगायतन, ठाणे येथे सादर झाला आणि हाऊसफुल्ल गेला. प्रेक्षकांच्या अभूतपूर्व प्रतिसादाने या नाटकाने रंगभूमीवर आपली ओळख निर्माण केली. सुरुवातीच्या प्रयोगांमध्ये पुष्कर श्रोत्री यांनी नवऱ्याची भूमिका, डॉ. श्वेता पेंडसे (Dr. Shweta Pendse) यांनी पत्नीची भूमिका आणि सतीश राजवाडे (Satish Rajwade) यांनी इन्स्पेक्टर घारगे यांची भूमिका ताकदीने साकारली.
पुढच्या प्रयोगांमध्ये कलाकारांच्या उपलब्धतेनुसार, पुष्कर श्रोत्री कधी नवरा तर कधी इन्स्पेक्टरच्या भूमिकेत दिसले, तर अनिकेत विश्वासराव नवऱ्याच्या भूमिकेत झळकले. या नाटकाने घेतलेले एक अनोखे वळण म्हणजे इन्स्पेक्टरच्या भूमिकेला महिला स्वरूप देण्यात आले. पहिल्या 85 प्रयोगांमध्ये पत्नीची भूमिका प्रभावीपणे साकारल्यानंतर, काही वैयक्तिक कारणांमुळे ब्रेक घेतलेल्या डॉ. श्वेता पेंडसे यांनी इन्स्पेक्टर घारगे या वेगळ्याच आणि ताकदीच्या भूमिकेत पुनरागमन केले. मराठी रंगभूमीवर एका अभिनेत्रीने अशा दोन अत्यंत वेगळ्या भूमिका मोठ्या अंतराने साकारण्याचा हा दुर्मिळ प्रसंग ठरला आहे.
महिला विशेष प्रयोग – 8 मार्च 2025! दुपारी 4.00 वा.
यशवंत नाट्यगृह, माटुंगा
आता “अ परफेक्ट मर्डर”च्या रंगभूमीवर एक खास महिला विशेष प्रयोग सादर होणार आहे. आंतरराष्ट्रीय महिला दिनानिमित्त 8 मार्च 2025 रोजी डॉ. श्वेता पेंडसे पुन्हा इन्स्पेक्टर घारगेच्या भूमिकेत दिसणार आहेत. हा प्रयोग केवळ एक नाट्यकृती नसून, स्त्रीसशक्तीकरणाचा एक महत्त्वाचा टप्पा आहे.
जलसंपदा विभागाचे निर्णय मोहित कंबोज घेतात, ठाकरेंच्या वाघाने सभागृहात टाकला नवा बॉम्ब
एका रहस्यमय कथानकाच्या पार्श्वभूमीवर उभी राहणारी ही महिला पात्रे समाजातील बदल, सक्षमता आणि धाडस यांचे प्रतीक ठरत आहेत. थरार आणि उत्कंठेचा जबरदस्त अनुभव घ्यायचा असेल, तर “अ परफेक्ट मर्डर”चा हा खास प्रयोग चुकवू नका.
