Support for Indian shooter Meghana Sajjanar for global competitions! Ayushmann Khurrana sponsors her rifle : अभिनेता आयुष्मान खुरानाने एका मीडिया आर्टिकलमध्ये भारतीय नेमबाज मेघना सज्जनारला क्रीडा उपकरणांशी संबंधित येणाऱ्या अडचणींबद्दल वाचल्यानंतर तिच्यासाठी रायफल स्पॉन्सर केली. भारतीय रायफल शूटर मेघना सज्जनार आंतरराष्ट्रीय स्तरावर स्पर्धा करण्याच्या दिशेने पुढे जात असताना योग्य उपकरणांची उपलब्धता तिच्यासाठी एक अनपेक्षित अडथळा ठरली होती.
आंदोलकांना गुंतवा, मग आम्ही… नातेवाईकाच्या आयकर चौकशीवरून जरांगेंचा शिंदेंना थेट इशारा
तिच्या या प्रवासाकडे अभिनेता आयुष्मान खुरानाचे लक्ष गेले आणि त्यानंतर त्याने केलेल्या एका पुढाकारामुळे मेघनाला चांगल्या संसाधनांसह आपला क्रीडा प्रवास सुरू ठेवण्यास मदत झाली. आयुष्मान यापूर्वी मेघनाला भेटला नव्हता किंवा तिला वैयक्तिकरित्या ओळखतही नव्हता. मात्र, तिच्या परिस्थितीची माहिती मिळाल्यानंतर त्याने तिच्यासाठी रायफल स्पॉन्सर करण्याची तयारी दर्शवली. या मदतीमुळे मेघनाला जागतिक दर्जाची उपकरणे उपलब्ध झाली आणि आपल्या तयारीशी तडजोड न करता तिला सराव तसेच स्पर्धांमध्ये सहभागी होता आले.
ब्रेकिंग: भारताला सुवर्णपदक! महिला क्रिकेट संघाचा श्रीलंकेवर 147 धावांनी दणदणीत विजय
मेघना सज्जनारने नुकतीच आयुष्मान खुरानाची भेट घेतली आणि या भेटीची कहाणी सोशल मीडियावर शेअर केली. आपल्या पोस्टमध्ये मेघनाने लिहिले: “आमच्या खेळात अचूकता ही सर्वात महत्त्वाची गोष्ट आहे, पण तुमच्या हातात असलेली उपकरणेही तितकीच महत्त्वाची असतात. एक वर्षापूर्वी मी माझ्या मर्यादा ओलांडून सर्वोत्तम कामगिरी करण्याचा प्रयत्न करत होते, पण जागतिक दर्जाची उपकरणे नसल्यामुळे एका टप्प्यावर येऊन अडकले होते. त्यानंतर वर्त्तमान पत्राच्या एका आर्टिकलने सर्व काही बदलून टाकले. आयुष्मान खुरानाने माझ्या प्रवासाबद्दल वाचले आणि कुठूनही अचानक पुढे येत माझी रायफल स्पॉन्सर केली.
“टाटा समूहाचा वारसा जपणे ही काळाची गरज”; शरद पवारांचा नोएल टाटा यांना पाठिंबा
तो मला ओळखत नव्हता. आमची कधी भेटही झाली नव्हती. त्याला फक्त एका भारतीय खेळाडूने जागतिक स्तरावर विजय मिळवताना पाहायचे होते. त्या रायफलमुळे मला समान संधी मिळाली. त्यामुळे कोणतीही तडजोड न करता मला सराव करता आला, जगातील सर्वोत्तम खेळाडूंचा सामना करता आला आणि आज जे काही मिळवले आहे ते साध्य करता आले.आज अखेर मला त्या व्यक्तीला भेटण्याची संधी मिळाली, ज्याने मला सर्वाधिक गरज असताना शांतपणे माझ्या स्वप्नांना पाठिंबा दिला. कोणताही गाजावाजा नाही, फक्त भारतीय क्रीडेसाठी मनापासून दिलेले समर्थन. माझ्या पाठीशी उभे राहिल्याबद्दल धन्यवाद. जय हिंद! 🇮🇳🎯”
“टाटा समूहाचा वारसा जपणे ही काळाची गरज”; शरद पवारांचा नोएल टाटा यांना पाठिंबा
नेमबाजीसारख्या खेळात अचूकता आणि योग्य उपकरणे ही कामगिरीचे महत्त्वाचे घटक असतात. योग्य रायफलचा खेळाडूच्या सरावात आणि स्पर्धेतील कामगिरीत महत्त्वाचा वाटा असतो. मेघनासाठी ही मदत तिच्या कारकिर्दीतील अशा महत्त्वाच्या टप्प्यावर मिळाली, जेव्हा ती पुढचे पाऊल उचलण्याच्या आणि जागतिक स्तरावरील काही सर्वोत्तम खेळाडूंविरुद्ध स्पर्धा करण्याच्या तयारीत होती.
अल्लू अर्जुनच्या ‘राका’ने रचला इतिहास, ‘या’ खास कामगिरीसाठी गिनीज वर्ल्ड रेकॉर्डमध्ये नोंद!
आयुष्मान खुरानाने पुन्हा एकदा भारतीय प्रतिभेला आपला पाठिंबा दर्शवला आहे. यावेळी त्याने उभरती रायफल शूटर मेघना सज्जनारच्या क्रीडा प्रवासातील एका महत्त्वाच्या टप्प्यावर तिच्यासाठी मदतीचा हात पुढे केला आहे. भारतीय क्रीडाक्षेत्राशी आयुष्मानचा हा संबंध त्याच्या व्यापक क्रीडा सहभागाच्या पार्श्वभूमीवरही समोर आला आहे. मे 2026 मध्ये अहमदाबाद येथे आयोजित कॉमनवेल्थ गेम्स डे सेलिब्रेशनमध्ये त्याने केंद्रीय क्रीडा मंत्री मनसुख मांडविया आणि गुजरातचे उपमुख्यमंत्री हर्ष संघवी यांच्यासोबत सहभाग घेतला होता. 2030 मध्ये भारतात होणाऱ्या कॉमनवेल्थ गेम्सच्या तयारीच्या दिशेने हा कार्यक्रम महत्त्वाचा टप्पा ठरला.
साहिल वाकोडे प्रकरणात आयआयटी बॉम्बेने मागितली माफी, म्हणाले त्याच्या कॉपीबद्दल तपासापूर्वी सांगणे…
या कार्यक्रमादरम्यान आयुष्मानने पाच किलोमीटरच्या सायकलिंग रॅलीत सहभाग घेतला आणि तरुण भारतीयांमध्ये क्रीडा संस्कृती निर्माण करण्याच्या महत्त्वावर भाष्य केले. या कार्यक्रमात ऑलिम्पियन आणि माजी कॉमनवेल्थ गेम्स पदकविजेते खेळाडूही सहभागी झाले होते. यामध्ये अंजुम मौदगिल आणि अंकुर मित्तल यांसारख्या नेमबाजांचाही समावेश होता.