मुंबई : सिद्धार्थ आनंद दिग्दर्शित यशराज फिल्म्सचा ( Yashraj Films) पठान ( Pathan) हा एक ऐतिहासिक ब्लॉकबस्टर चित्रपट आहे. या सिनेमाने आजपर्यंत 1035.50 कोटींची कमाई केली आहे. जगभरात सर्वाधिक कमाई करणारा पठाण हा पहिला हिंदी चित्रपट ठरला आहे. ‘पठान’ प्रदर्शित झाल्यापासून देशांतर्गत आणि परदेशी बॉक्स ऑफिसवर शानदार कामगिरी करत आहे. सहाव्या रविवारीही ‘पठान’ने बॉक्स ऑफिसवर पुन्हा दमदार कमाई केली.
Underworld Ka Kabzaa : बॉलिवुडकरांकडून ‘किच्चा सुदीपच्या’ अंडरवर्ल्ड का कब्जावर कौतुकाचा वर्षाव
पठाणने आता एकट्या परदेशात $47.24 दशलक्ष डॉलर्सची कमाई केली आहे, तर भारतातील नेट कलेक्शन 534.71 कोटी एवढे आहे. पठाण सिनेमाची जगभरातील एकूण कमाई 1035.50 कोटी आहे. यापैकी भारतात 647 कोटी तर परदेशात 388.50 कोटी रुपये या सिनेमाने कमावले आहेत.
या सिनेमामध्ये बॉलिवुडचा किंग खान शाहरुख खान हा प्रमुख भूमिकेत आहे. तर दीपिका पदुकोन, जॉन अब्राहम हे दोन कलाकार देखील प्रमुख भूमिकेत आहेत. दरम्यान या सिनेमाच्या सुरुवातीला बराच वाद झाला होता. दीपिकाच्या भगव्या रंगाच्या बिकनीवरुन या सिनेमावर आक्षेप घेण्यात आला होता. त्यानंतर सिनेमात बदल करुन हा सिनेमा प्रदर्शित करण्यात आला होता.