गेल्या काही दिवसांपासून अभिनेते सचिन पिळगावकर चांगलेच चर्चेत आहेत. (Kirti Sanon) मुलाखतींमुळे, त्यांच्या वक्तव्यामुळे सचिन पिळगावकर कायम ट्रॉल होताना दिसतात. त्यांच्या ट्रॉलिंगवर अनेक कलाकारांनीही प्रतिक्रिया व्यक्त केल्या. पण आता अभिनेते सचिन पिळगावकर पहिल्यांदाच ट्रॉलिंगला उत्तर दिलंय. ते म्हणाले, आताचा काळ असाय की तुम्हाला विचार करून व्यक्त होणं भागच आहे. तुम्हाला तुमचे शब्द निवडावे लागतात. पण याचा अर्थ दुसऱ्याच्या टर्मने जगावं असा होत नाही.
पुढे बोलताना ते म्हणाले, स्वतःचं आयुष्य त्यागून नाही जगायचं. लोकं वेगळी असतात. त्यांना वेगळं असण्याचा हक्क आहे. पण त्यात जर तुम्हाला कोणी विचारलं तर उत्तर दया ना, पटत नाही म्हणून सिनेमा बघून ‘ हा सिनेमा मला आवडला नाही. या सिनेमातलं तुमचं काम मला आवडलं नाही.’ हे बोलण्याचा तुम्हाला हक्क आहे . आमच्या वैयक्तिक आयुष्यात पडण्याचा तुम्हाला अधिकार नाही. कारण आम्ही तुमच्या वैयक्तिक आयुष्यात पडत नाहीत. लोकांना हे कळत नाही हा आपला विषय नाही. त्याकडं लक्ष दिलं तर आपलाच वेळ फुकट जाईल असंही ते म्हणाले.
प्रेम करणाऱ्यांची संख्या खूप जास्तंय. काळजी करण्याची गरज तेव्हा निर्माण होईल जेव्हा ही संख्या कमी होईल. शाहरुखला एकदा विचारलं गेलं होतं. जेव्हा त्याच्यावर प्रचंड प्रमाणात ट्रोलिंग झालं. या सगळ्याचा त्रास होत नाही का असं विचारल्यावर तो म्हणाला होता, की ज्या व्यक्तींना आयुष्यात कसलंही काम केलं नाही, तो व्यक्ती मला ट्रोल करून रात्री शांतपणे झोपतोय. आणि विचार करतोय की मी खूप मोठं काम केलं. तर त्याच्या झोपेचं कारण मी आहे. त्यासाठी मी आनंदी आहे असा टोलाही त्यांनी लगावला आहे.
माझी मातृभाषा ही मराठी पण, विचार उर्दूमध्ये; अभिनेते सचिन पिळगावकरांचं मोठ वक्तव्य
ट्रोलर्स या सगळ्यातून पैसेही कमवत असतील कदाचीत. पण ठीक आहे. कमवू दे त्यांना. माझ्यासारख्या व्यक्तीला जो 65 वं वर्ष पूर्ण करतोय या 31 डिसेंबरला करियरचं. माझ्या करियरच्या 65 व्या वर्षी जर मी ट्रोलर्सला इतका महत्त्वाचा वाटत असेल तर याहून जास्त मला काय पाहिजे. करिअरच्या 65 व्या वर्षी मला अटेंशन मिळतंय . सोशल मीडियावर मी आता इतका पॉप्युलर आहे की त्यामुळे मला भरपूर ऍड्स मिळत आहेत. या सगळ्यातली नकारात्मकता आपण बाजूला ठेवू. कारण ती आपण बदलू शकत नाही. त्या दिशेने जायचं नाही. तू मजा करो मे भी मजा करता हूं.
ही ट्रोलिंग करणारी जी पोरं आहेत, खूप छान वाटतं ही मुलं आहेत. ही सगळी पोरं असल्यामुळे मी त्यांना भरभरून आशीर्वाद देतो. त्यांचा आयुष्यात भलं व्हावं. ते आयुष्यात खूप मोठे व्हावेत . पण ते मोठे कधी होतील जेव्हा ते दुसऱ्याच्या नावाला जितका आता महत्व देतात तेवढे स्वतःच्या नावाला देतील. आणि काहीतरी करतील. तेव्हा त्यांचं नाव होईल असा माझा त्यांना आशीर्वाद आहे. काही काही पोरांना वाटतं की मी त्यांच्याच वयाचा आहे. त्यांना माहीतच नाही की मी 63 – 65 वयाचा आहे. यामुळे एका अर्थी ही माझ्यासाठी कॉम्प्लिमेंट आहे असं मी समजतो असंही पिळगावकर म्हणाले आहेत.