राखी पौर्णिमेनिमित्त राज्याचे कृषिमंत्री धनंजय मुंडे यांनी आज आपल्या भगिनी पंकजा मुंडे यांच्यासह प्रीतम मुंडे आणि यशश्री मुंडे यांच्याकडून राखी बांधून घेतली.
या निमित्ताने सन 2009 नंतर प्रथमच तब्बल तेरा वर्षांनी सर्व कुटुंबीयांनी एकत्रित राखी पौर्णिमेचा साजरा केला.
यावेळी गोपीनाथ मुंडे यांच्या पत्नी आणि मुंडे भगिनींच्या आई श्रीमती प्रज्ञाताई या देखील उपस्थित होत्या.
तर दुपारी जेव्हा धनंजय मुंडेंना राखी कधी बांधणार? या प्रश्नावर पंकजा मुंडे की कोणी राखी बांधा म्हटले तर आपण नाकारु शकत नाही. ही आपली संस्कृती आहे. असं पंकजा म्हणाल्या होत्या.
भाजप नेत्या पंकजा मुंडे यांनी राजकीय बंधू महादेव जानकर यांना माहूरच्या रेणूका मंदिरात राखी बांधून रक्षाबंधन साजरा केला.
गेल्या काही दिवसांपासून पंकजा मुंडे आणि धनंजय मुंडे यांच्या राजकीय संघर्ष कमी झाल्याचे बोलले जात होते. शिंदे-फडणवीस सरकारमध्ये धनंजय मुंडे मंत्री झाल्यानंतर पंकजा मुंडे यांनी त्यांचे औक्षण केले होते. त्यानंतर धनंजय मुंडे यांनी देखील आनंदताचा डोह असो किंवा दु:खाचा सागर, बहीण-भावाचे नाते कायमच अबाधित आहे, अशी प्रतिक्रिया दिली होती.
