काझीरंगा नॅशनल पार्कमध्ये पीएम मोदींची हत्तीवरुन जंगल सफारी… पाहा फोटो
letsupteam
Narendra Modi
पंतप्रधान नरेंद्र मोदी आसाम आणि अरुणाचल प्रदेशच्या 2 दिवसांच्या दौऱ्यावर आहेत.
शनिवारी सकाळी त्यांनी काझीरंगा राष्ट्रीय उद्यान आणि व्याघ्र प्रकल्पात हत्ती आणि जीप सफारी केली.
युनेस्कोच्या जागतिक वारसा स्थळाच्या पहिल्या भेटीत पीएम मोदींनी पार्कच्या सेंट्रल कोहोरा रेंजमधील मिहिमुख परिसरात प्रथम हत्ती सफारीवर केली आणि नंतर त्याच रेंजमध्ये जीप सफारीवरही केली.
पीएम मोदींसोबत पार्कच्या संचालक सोनाली घोष आणि इतर वरिष्ठ वन अधिकारीही होते.
PM मोदी दुपारी जोरहाटमध्ये प्रसिद्ध अहोम जनरल लचित बारफुकन यांच्या 125 फूट उंच ‘स्टॅच्यू ऑफ शौर्य’चे उद्घाटन करणार आहेत.
उद्घाटन समारंभानंतर, पंतप्रधान जोरहाट जिल्ह्यातील मेलेंग मेटेली पोथरला भेट देणार आहेत.
पीएम मोदी शुक्रवारी संध्याकाळी तेजपूरला पोहोचले, तिथे आसामचे मुख्यमंत्री हिमंता बिस्वा सरमा यांनी त्यांचे स्वागत केले. रात्रीच्या विश्रांतीनंतर त्यांनी आज सकाळी काझीरंगाला भेट दिली.
पंतप्रधान मोदी काझीरंगा येथे पोहोचण्यापूर्वी सर्व सुरक्षा व्यवस्था कडक करण्यात आल्या होत्या. पीएम मोदी काझीरंगा नॅशनल पार्कमध्ये जवळपास 2 तास थांबले होते.
