Silicon Valley Bank: अमेरिकेत आणखी एक मोठे बँकिंग संकट पाहायला मिळत आहे. अमेरिकेच्या नियामकाने सिलिकॉन व्हॅली ही प्रमुख बँक बंद करण्याचे आदेश दिले आहेत. CNBC च्या रिपोर्टनुसार, कॅलिफोर्निया डिपार्टमेंट ऑफ फायनान्शियल प्रोटेक्शन अँड इनोव्हेशनने ही बँक बंद करण्याचे आदेश दिले आहेत.
यासोबतच फेडरल डिपॉझिट इन्शुरन्स कॉर्पोरेशनला बँकेचे रिसीव्हर बनवण्यात आले आहे. ग्राहकांचे पैसे सुरक्षित ठेवण्याची जबाबदारीही देण्यात आली आहे. हे लक्षात घेऊन फेडरल डिपॉझिट इन्शुरन्स कॉर्पोरेशननेही एक टीम तयार केली आहे. भारतात ही बातमी समोर येताच भारतीय गुंतवणूकदार आणि कंपन्यांच्या संस्थापकांची चिंता वाढली आहे.
अदानींना सिमेंट उद्योगाचा आधार; कर्जाचा विळखा सोडविण्यासाठी ‘या’ कंपनीतील हिस्सा विकणार
गेल्या 18 महिन्यांत फेडरल रिझर्व्हने व्याजदरात केलेल्या वाढीमुळे टेक कंपन्यांमधील गुंतवणूकदारांचा रस कमी झाला आहे. तसेच गुंतवणूकदारांसाठी धोका निर्माण झाला आहे. सिलिकॉन व्हॅली बँक तंत्रज्ञान उद्योगाच्या संपर्कात आली होती, त्यामुळे बँकिंगवर वाईट परिणाम झाला आहे.
घरांच्या किमती महागणार; रेडिरेकनरच्या दरात पुन्हा मोठी वाढ?
सिलिकॉन व्हॅली ही अमेरिकेतील 16 वी सर्वात मोठी बँक आहे. 2008 च्या आर्थिक संकटानंतर एवढी मोठी बँक बंद पडली आणि त्यामुळे तंत्रज्ञान उद्योगाला मोठा धक्का बसला. बँकेची मालमत्ता $209 अब्ज आणि ठेवी $175.4 अब्ज होती. ही बँक नवीन युगातील तंत्रज्ञान कंपन्या आणि भांडवल गुंतवणूक करणाऱ्या कंपन्यांना आर्थिक सहाय्य पुरवत असे. यावेळी SVB ठेवींनी $250,000 मर्यादा ओलांडली हे स्पष्ट नव्हते.
सिलिकॉन व्हॅली बँकेची मूळ कंपनी एसव्हीबी फायनान्शियल ग्रुपचे शेअर्स ट्रेडिंग बंद होण्यापूर्वी जवळपास 70 टक्क्यांनी घसरले.
