Mexico Celebratory Firing 12 Perseon Killed : मेक्सिकोमध्ये एका उत्सवाची संध्याकाळ गोळीबाराच्या (Mexico Celebratory Firing) आवाजाने हादरली. लोक येथे आनंदोत्सव साजरा करत होते. त्यानंतर बंदूकधाऱ्यांनी अंदाधुंद गोळीबार सुरू केला. या घटनेत 12 जणांचा मृत्यू झाला आहे. मृतांमध्ये एका अल्पवयीन मुलाचाही समावेश आहे. ही घटना मेक्सिकोच्या हिंसाचारग्रस्त ग्वानाजुआटो राज्यात (Crime News) घडली. हे टोळीयुद्धाने ग्रस्त राज्य आहे. मेक्सिकोला रस्त्यावरील हिंसाचाराचा भयानक इतिहास आहे.
ही घटना ग्वानाजुआटोच्या इरापुआटो शहरात घडली. स्थानिक लोक सेंट जॉन द बॅप्टिस्टच्या सन्मानार्थ नाचत आणि मद्यपान करत असताना हा हल्ला झाला. ऑनलाइन शेअर केलेल्या व्हिडिओंमध्ये गोळीबार सुरू झाल्यानंतर घाबरलेले लोक बेफाम पळत असल्याचे दिसून आले आहे.
नोकरीच्या संधी, लग्नाचे योग…आज तुमच्या राशीत काय? वाचा एका क्लिकवर
लोक या घटनेचा व्हिडिओ सोशल मीडियावर शेअर करत आहेत. यामध्ये मुली आणि मुले रस्त्यावर नाचत आहेत. सगळीकडे मजामस्तीचे वातावरण आहे. मुली मंद प्रकाशात नाचत आहेत, हे काही सेकंद चालू राहते, नंतर गोळ्यांचा आवाज ऐकू येतो. यानंतर तिथे गोंधळ उडतो. लोक ओरडू लागतात आणि पळून जातात.इरापुआटो येथील अधिकारी रोडोल्फो गामेझ सर्व्हेंटेस यांनी मृतांची संख्या 12 वर पोहोचल्याची पुष्टी केली, तर सुमारे 20 जण जखमी झाले.
हिंदी पहिल्या इयत्तेपासून सक्तीची नको; ज्येष्ठ अभिनेते मकरंद अनासपुरे याचं स्पष्ट मत
मेक्सिकन राष्ट्राध्यक्ष क्लॉडिया शेनबॉम यांनी या हल्ल्याचा निषेध केला आणि सांगितले की, या घटनेची चौकशी सुरू आहे. गेल्या महिन्यात ग्वानाजुआटो येथे झालेल्या अशाच एका दुर्घटनेनंतर ही घटना घडली आहे. जेव्हा सॅन बार्टोलो डी बेरिओस येथे कॅथोलिक चर्चच्या सेवेदरम्यान सात लोकांचा मृत्यू झाला होता. मेक्सिको सिटीच्या वायव्येस असलेले ग्वानाजुआटो हे गुन्हेगारी गटांमधील सुरू असलेल्या युद्धांमुळे मेक्सिकोतील सर्वात हिंसक राज्यांपैकी एक बनले आहे. येथे टोळीयुद्धे सामान्य आहेत. वर्षाच्या पहिल्या पाच महिन्यांत राज्यात 1,435 खून नोंदले गेले, जे इतर कोणत्याही राज्याच्या दुप्पट आहे.
