Why Donald Trump Give Iran 14 Days Time Secret : अमेरिकेचे राष्ट्राध्यक्ष डोनाल्ड ट्रम्प (America) यांनी इराणला दोन आठवड्यांची मुदत देऊन जागतिक राजनैतिकतेत खळबळ उडवून दिली आहे. इराण (Iran) आणि इस्रायलमधील सुरू असलेल्या तणाव आणि इस्रायलच्या लष्करी कारवायांमध्ये अमेरिकेचा संभाव्य हस्तक्षेप टाळण्यासाठी ही मुदत देण्यात आली आहे. ट्रम्प यांनी शुक्रवारी सांगितले की, इराणकडे जास्तीत जास्त दोन आठवडे आहेत. अन्यथा अमेरिका हवाई हल्ल्यांचा विचार करू शकते. परंतु ही 14 दिवसांची मुदत आणि त्यामागे लपलेल्या ‘टैको प्लॅन’च्या चर्चेने प्रश्न उपस्थित केले (Donald Trump) आहेत. ही खरोखर राजनैतिकतेची संधी आहे की, इराणला गोंधळात टाकण्याची रणनीती आहे? जर अमेरिकेने थेट इराणवर हल्ला केला तर त्याचा संपूर्ण जगाच्या अर्थव्यवस्थेवर (Global Economy) काय परिणाम होईल, हे आपण समजून घेऊया.
इस्रायलने इराणचा अणुकार्यक्रम किमान दोन वर्षे मागे टाकल्याचा दावा करताना ट्रम्प यांचे हे विधान आले. ट्रम्प यांनी इस्रायलला हल्ला थांबवण्यास सांगण्यास नकार दिला. कारण, त्यांच्या मते जो जिंकत आहे त्याला थांबवणे कठीण आहे. त्यांनी युरोपियन मध्यस्थी देखील नाकारली. त्यांनी म्हटले की, इराण फक्त अमेरिकेशी बोलू इच्छितो. ट्रम्प यांनी यापूर्वी म्हटले होते की, अमेरिकेने लष्करी कारवाई करावी की नाही हे ते दोन आठवड्यात ठरवतील.
सोनम-राजच्या प्रेमकथेत… 10 रूपयांची अर्धी नोट, राजा रघुवंशी हत्याकांडात नवा ट्विस्ट, हवाला व्यवसाय…
ट्रम्पची योजना काय?
अनेक तज्ञ याला ट्रम्प यांच्या ‘ट्रिक ऑर टैको’ रणनीतीचा भाग मानत आहेत. येथे ‘टैको’ हा शब्द एक रूपक म्हणून पाहिला जात आहे. जो त्यांच्या अप्रत्याशित आणि गोंधळात टाकणाऱ्या राजनैतिकतेचे प्रतिबिंब आहे. काहींचा असा विश्वास आहे की, ही अंतिम मुदत इराणवर दबाव आणण्याची एक रणनीती आहे. जेणेकरून तो त्याचा अणुकार्यक्रम मर्यादित करेल. दुसरीकडे, काही अहवालांमध्ये दावा केल्याप्रमाणे ट्रम्प या वेळेचा वापर त्यांच्या लष्करी तयारी मजबूत करण्यासाठी आणि या प्रदेशात दुसरे विमानवाहू जहाज तैनात करण्यासाठी करत असण्याची शक्यता आहे.
उद्धव ठाकरे यांच्या कम ‘ऑन कील मी’ वर अमृता फडणवीसांचं उत्तर, नक्की काय म्हणाल्या?
ट्रम्प यांनी आधी सांगितले होते की, ते राजनैतिकतेला प्राधान्य देतील. परंतु, इस्रायली हल्ल्यांनंतर त्यांची भूमिका कठोर झाली आहे. इराणचे परराष्ट्र मंत्री अब्बास अराघची यांनी म्हटले आहे की, इस्रायल हल्ले थांबवत नाही. तोपर्यंत वाटाघाटी शक्य नाहीत. दरम्यान, अरब लीग आणि इस्लामिक सहकार्य संघटनेसारख्या व्यासपीठांवर या मुद्द्यावरील चर्चा तीव्र झाल्या आहेत.
जगावर काय परिणाम होणार?
जर अमेरिकेने थेट या युद्धात उडी मारली, तर संपूर्ण जगाला त्याचे नुकसान सहन करावे लागू शकते. इराणवरील हल्ल्याचा परिणाम तेलाच्या किमतींवर होईल. त्याचा परिणाम जगभरातील शेअर बाजारांवरही दिसून येईल. तसेच, यामुळे कमोडिटी मार्केटला आधार मिळेल. सोने आणि चांदीच्या किमती वाढू शकतात.
