Rashibhavishya Today 23 September 2026: आज 23 सप्टेंबर 2026, बुधवार असून चंद्र मकर राशीत भ्रमण करत आहे. त्यामुळे आजचा दिवस प्रत्येक राशीसाठी वेगवेगळे परिणाम घेऊन येणार आहे. काही राशींना नोकरी-व्यवसायात प्रगती आणि आर्थिक लाभाच्या संधी मिळतील, तर काहींना आरोग्य, खर्च आणि कौटुंबिक बाबतीत सावध राहावे लागेल. जाणून घेऊया, आजचा दिवस मेष ते मीन या सर्व राशींसाठी कसा राहणार आहे.
करार करा नाहीतर कठोर कारवाईला सामोरं जा; इराणला डोनाल्ड ट्रम्प यांचा थेट इशारा
मेष
आज चंद्र मकर राशीत असल्याने तो आपल्या राशीच्या दहाव्या भावात असेल. कामकाजाच्या दृष्टीने दिवस महत्त्वाचा ठरू शकतो. एखाद्या प्रकल्पाला किंवा कामाला सरकारी पातळीवरून मदत मिळण्याची शक्यता आहे. वरिष्ठांसोबत महत्त्वाच्या विषयांवर चर्चा होईल. कामानिमित्त प्रवास करावा लागू शकतो आणि जबाबदाऱ्याही वाढतील. कुटुंबातील निर्णयांमध्ये सक्रिय सहभाग घ्याल. घराची सजावट किंवा काही बदल करण्याचा विचार होईल. आईसोबतचे नाते अधिक घट्ट होईल.
वृषभ
चंद्र आज भाग्यस्थानात असल्यामुळे दिवस उत्साहवर्धक राहील. परदेश प्रवासाची संधी मिळू शकते किंवा विदेशाशी संबंधित एखादी चांगली बातमी समोर येईल. परदेशातील मित्रांशी संपर्क होण्याची शक्यता आहे. व्यावसायिकांना आर्थिक लाभ मिळू शकतो. नवीन योजना आखून त्यावर काम सुरू कराल. दूरचा प्रवास घडू शकतो. एखाद्या महत्त्वाच्या विषयात प्रगती होईल. संततीच्या प्रगतीमुळे समाधान मिळेल; मात्र आरोग्याकडे दुर्लक्ष करू नका.
साबण-शॅम्पू व्हेज की नॉनव्हेज? आता पॅकेटवरील रंगीत ठिपका सांगणार
मिथुन
आज चंद्र अष्टम भावात असल्याने दिवस काहीसा आव्हानात्मक राहू शकतो. कोणतेही नवीन काम सुरू करण्यापूर्वी विचार करणे आवश्यक आहे. रागाच्या भरात घेतलेले निर्णय अडचणीचे ठरू शकतात, त्यामुळे संयम ठेवा. आरोग्याशी संबंधित उपचारांमध्ये घाई करू नका. अनपेक्षित खर्च वाढू शकतो. घरात किंवा कार्यालयात बोलताना शब्द जपून वापरणे गरजेचे आहे. वादविवादापासून दूर राहा. खाण्यापिण्याची गैरसोय होऊ शकते. मानसिक शांतता टिकवण्यासाठी स्वतःला सकारात्मक ठेवण्याचा प्रयत्न करा.
कर्क
आज चंद्र सातव्या भावात असल्यामुळे सामाजिक आणि व्यावसायिक क्षेत्रात अनुकूल परिणाम मिळतील. खरेदीचा योग असून दागिने, वाहन किंवा सुखसोयीच्या वस्तूंवर खर्च होऊ शकतो. मनोरंजनासाठी वेळ देता येईल. जोडीदारासोबतचे संबंध अधिक प्रेमळ आणि आनंददायी राहतील. एखाद्या खास व्यक्तीच्या सहवासामुळे मन प्रसन्न होईल. भागीदारीतील कामातून फायदा होण्याची शक्यता आहे. छोट्या सहलीचे नियोजनही होऊ शकते.
विठ्ठल रुक्मिणी मंदिर तीन दिवस बंद; मूर्तींच्या संवर्धनासाठी आजपासून रासायनिक लेपन
सिंह
चंद्र सहाव्या भावात असल्यामुळे आजचा दिवस संमिश्र परिणाम देणारा असेल. घरातील वातावरण शांत राहिले तरी कामाच्या ठिकाणी अपेक्षित सहकार्य मिळण्यात अडचणी येऊ शकतात. रोजच्या कामात अडथळे निर्माण होतील. विरोधक किंवा स्पर्धकांकडून त्रास होण्याची शक्यता आहे. वरिष्ठांसोबत मतभेद होऊ शकतात. काही महिलांना माहेरकडून चिंताजनक बातमी मिळू शकते. मनात अस्वस्थता आणि शंका वाढू शकतात. मेहनतीच्या तुलनेत अपेक्षित यश कमी मिळण्याची शक्यता आहे.
कन्या
चंद्र पाचव्या भावात असल्याने संततीशी संबंधित एखादी चिंता मनात राहू शकते. मानसिक अस्वस्थता जाणवेल. पोटाशी संबंधित त्रास होण्याची शक्यता असल्याने आहाराची काळजी घ्या. विद्यार्थ्यांना अभ्यास करताना अडथळे जाणवू शकतात. अचानक काही खर्च समोर येतील. चर्चेदरम्यान अनावश्यक बौद्धिक वाद टाळलेले चांगले. प्रिय व्यक्तीची साथ मिळाल्याने मनाला दिलासा मिळेल. शेअर बाजार किंवा लॉटरीसारख्या जोखमीच्या व्यवहारात नुकसान होऊ शकते.
तूळ
आज चंद्र चौथ्या भावात असल्याने दिवस सावधपणे घालवणे योग्य ठरेल. योग्य विचार आणि मानसिक संतुलन राखल्यास परिस्थिती हाताळता येईल. आई किंवा कुटुंबातील एखाद्या महिलेशी संबंधित चिंता निर्माण होऊ शकते. शक्य असल्यास अनावश्यक प्रवास टाळा. वेळेवर जेवण न मिळणे किंवा अपुरी झोप यामुळे तब्येतीवर परिणाम होऊ शकतो. घरगुती मालमत्ता किंवा कौटुंबिक आर्थिक बाबींमध्ये निर्णय घेताना विशेष काळजी घ्या.
वृश्चिक
चंद्र तिसऱ्या भावात असल्यामुळे आजचा दिवस उत्साह आणि आनंदाने भरलेला राहू शकतो. नवीन कामाची सुरुवात करण्यासाठी दिवस अनुकूल आहे. सहकाऱ्यांकडून मदत आणि सहकार्य मिळेल. मित्र तसेच नातेवाईकांच्या भेटीगाठी होतील. प्रयत्न केलेल्या कामात यश मिळण्याची शक्यता आहे. आर्थिक फायदा होऊ शकतो आणि नशिबाचीही साथ मिळेल. भावंडांकडून मदत किंवा लाभ मिळेल. प्रतिस्पर्ध्यांवर मात करण्यात यशस्वी व्हाल. नवीन मैत्री किंवा स्नेहसंबंध निर्माण होऊ शकतात. छोट्या प्रवासाचा योग आहे.
धनु
आज चंद्र दुसऱ्या भावात असल्यामुळे कुटुंबातील वातावरणात मतभेद होण्याची शक्यता आहे. गैरसमज वाढू नयेत याची काळजी घ्या. अनावश्यक खर्चामुळे आर्थिक नियोजन बिघडू शकते. मनाची चंचलता आणि संभ्रमामुळे महत्त्वाचे निर्णय घेणे कठीण जाईल. कामात अपेक्षेप्रमाणे परिणाम मिळणार नाहीत. मात्र दूरच्या व्यक्तींशी फोन किंवा इतर माध्यमातून होणारा संपर्क फायदेशीर ठरू शकतो.
72वा राष्ट्रीय चित्रपट पुरस्कार सोहळा केवडियात संपन्न; ‘आर्टिकल 370’चा दबदबा, वाचा पूर्ण लिस्ट
मकर
चंद्र आपल्या राशीतच असल्यामुळे आजचा दिवस तुमच्यासाठी अनुकूल राहण्याची शक्यता आहे. दैनंदिन कामे सहजपणे पूर्ण होतील. नोकरी किंवा व्यवसायात तुमची प्रतिष्ठा वाढू शकते. पदोन्नतीची संधीही निर्माण होऊ शकते. कुटुंबात आनंदाचे वातावरण राहील. मात्र शारीरिक दुखापत होण्याची शक्यता असल्याने काळजी घ्या. मित्र आणि जवळच्या व्यक्तींसोबत वेळ घालवल्याने मानसिक समाधान मिळेल.
कुंभ
चंद्र बाराव्या भावात असल्यामुळे आर्थिक बाबतीत विशेष सावधगिरी बाळगणे आवश्यक आहे. जमीन-जुमला किंवा आर्थिक व्यवहारात कोणासाठीही जामीन राहणे टाळा. खर्च वाढण्याची शक्यता असून गुंतवणुकीचे निर्णय विचारपूर्वक घ्या. कुटुंबीय तुमच्या काही निर्णयांशी असहमत होऊ शकतात. इतरांच्या वैयक्तिक किंवा आर्थिक बाबींमध्ये हस्तक्षेप करणे टाळा. अचानक निर्माण होणाऱ्या परिस्थितीमुळे संभ्रम वाढू शकतो. रागावर नियंत्रण ठेवणे आज महत्त्वाचे ठरेल.
दुष्काळाच्या संकटात शेतकऱ्यांना दिलासा, पंचनामे उद्यापासून सुरू
मीन
आज चंद्र लाभस्थानात असल्यामुळे मित्रमंडळींकडून फायदा होऊ शकतो. मात्र मित्रांसाठी काही खर्चही करावा लागू शकतो. सामाजिक उपक्रमांमध्ये सहभागी होण्याची इच्छा वाढेल. मित्र आणि ज्येष्ठ व्यक्तींशी संपर्क वाढेल. एखाद्या सुंदर ठिकाणी जाण्याचे नियोजन होऊ शकते. नवीन ओळखी निर्माण होतील आणि भविष्यात त्यातून फायदा मिळू शकतो. कुटुंबाकडून चांगली बातमी मिळेल. संततीकडून आनंद आणि लाभ मिळण्याची शक्यता आहे. अचानक आर्थिक लाभही होऊ शकतो.