मुंबई : फेब्रुवारी महिन्याला प्रेमाचा महिना समजले जाते, कारण हा महिना अनेकांसाठी विशेष असतो. आणि आता व्हॅलेंटाईन डे (‘Valentine’s Day) जवळ आला आहे आणि लोक हा दिवस विस्मरणीय बनवण्यासाठी आणि त्यांच्या प्रियजनांना खास बनवण्यासाठी नाविन्यपूर्ण मार्ग शोधत आहेत. जर तुम्हालाही तुमच्या भावना डिजिटल पद्धतीने व्यक्त करायच्या असतील तर आज आम्ही तुम्हाला WhatsApp च्या अशाच काही वैशिष्ट्यांबद्दल सांगणार आहोत, ज्यांच्या मदतीने तुम्ही तुमच्या भावना तुमच्या प्रियजनांसमोर नव्या पद्धतीने व्यक्त करू शकता.
Shah Rukh Khan च्या एका घड्याळाच्या किंमतीत तुम्ही घ्याल बंगला… किंमत ऐकून व्हाल शॉक
पिन चॅट: या फीचरच्या मदतीने तुम्ही तुमच्या जोडीदाराच्या चॅटला तुमच्या WhatsApp लिस्टच्या अग्रस्थानी ठेऊ शकता. Android वापरकर्ते चॅटवर टॅप करून धरून ठेवू शकतात आणि पिन करू शकतात. दुसरीकडे, आयफोन वापरकर्ते चॅटवर उजवीकडे स्वाइप करून चॅट पिन करू शकतात.
इमोजी प्रतिक्रिया: जर तुमच्यावर व्हॅलेंटाइन डेच्या दिवशी तुमच्या जोडीदाराकडे योग्य लक्ष न दिल्याचा आरोप होत असेल, तर असे सर्व गैरसमज दूर करण्यासाठी इमोजी हा सर्वोत्तम मार्ग आहे. WhatsApp तुम्हाला इमोजी प्रतिक्रियांच्या मदतीने संदेश पोहचविण्यास मदत करतो.
डिजिटल अवतार: WhatsApp तुम्हाला तुमचा स्वतःचा डिजिटल अवतार तयार करण्यात मदत करते. WhatsApp च्या सेटिंगमध्ये जाऊन तुम्ही तुमचा डिजिटल अवतार किंवा कार्टून तयार करू शकता. जर तुम्ही तुमच्या जोडीदारासोबत ते तयार केले तर ते अधिक आनंदी होतील. तुम्ही चॅटमध्ये स्टिकर म्हणूनही वापरू शकता.
स्टेटस अपडेट: तुम्ही तुमची स्टेटस WhatsApp वरही शेअर करू शकता. मेसेजिंग प्लॅटफॉर्म WhatsApp च्या स्टोरी वर तुम्ही तुमच्या पार्टनरसाठी रोमँटिक मेसेज, व्हिडिओ किंवा फोटो टाकू शकता.
व्हॉइस मेसेज: तुम्ही तुमच्या जोडीदारापासून दूर असाल तर टेन्शन घेऊ नका, तुम्ही WhatsApp वरून या फीचरद्वारे व्हॉईस नोट्स पाठवू शकता आणि त्याचवेळी त्यांचा आवाजही ऐकू शकता. व्हॉइस मेसेज पाठवून तुम्ही तुमच्या पार्टनरला तुमच्या भावना सांगू शकता.
