मुख्यमंत्री एकनाथ शिंदे यांनी आज आषाढी एकदशी निमित्त सपत्निक पांडुरंगाची महापुजा केली.
मुख्यमंत्री एकनाथ शिंदे यांनी आज आषाढी एकदशी निमित्त सपत्निक पांडुरंगाची महापुजा केली.
मानाचे वारकरी म्हणून नगर जिल्ह्याच्या नेवासा तालुक्यातील वडाळा बहिरोबा येथील भाऊसाहेब मोहिनीराज काळे व त्यांच्या पत्नी मंगल भाऊसाहेब काळे यांनी महापुजा केली.
मुख्यमंत्री एकनाथ शिंदेंसोबत त्यांचा मुलगा खासदार श्रीकांत शिंदे व त्यांचे समस्त कुटूंब उपस्थित होते.
विठ्ठलाची शासकीय महापूजा पहाटे 2.57 मिनिटांनी विठ्ठल मंदिराच्या गाभाऱ्यात पार पडली.
मंत्रोच्चारामध्ये मुख्यमंत्री एकनाथ शिंदे यांच्या हस्ते महापुजा संपन्न झाली.
यावेळी विठ्ठलाला महानैवेद्य दाखविण्यात आला.
महाआरतीनंतर मंदिरातील पुजाऱ्यांनी मुख्यमंत्री आणि मानाचे वारकरी यांना विठ्ठलाची तुळशीची माळ देत पूजा संपन्न झाली. मुख्यमंत्री एकनाथ शिंदे यांच्या हस्ते होणारी ही दुसरी शासकीय महापूजा आहे.
विशेष म्हणजे आज प्रथमच विठ्ठलाच्या मूर्तीला चंदनाचा लेप लावून अभिषेक घालण्यात आला.
