Stock Market Record : भारतीय शेअर बाजारात मोठी तेजी पाहायला मिळाली आहे. नुकतंच नवं सरकार आल्यानंतर बाजाराला मोठी चालना मिळाली आहे. त्याचबरोबर सेन्सेक्सने प्रथमच 77,000 चा टप्पा ओलांडलाय. निफ्टीने 23400 चा स्तर ओलांडून ऐतिहासिक शिखर गाठलं आहे. बाजार उघडताच बँक निफ्टीने 50,000 ची पातळी ओलांडली होती. 51,133.20 च्या सार्वकालिक उच्चांकापासून अगदी दूर व्यवहार करत आहे. बँक निफ्टी उघडताच 50,252.95 चा उच्चांक गाठला आहे. आज बाजार उघडताच BSE सेन्सेक्सने 77,079.04 चा सर्वकालीन उच्चांक गाठला आहे. त्याच वेळी, निफ्टीने 23,411.90 चा स्तर गाठून प्रथमच 23400 ची पातळी ओलांडली आहे. ही बाजारातील नवीन विक्रमी उच्च पातळी आहे.
मार्केट ओपनिंग कसं होते?
आज बाजाराची सुरुवात सार्वकालिक उच्चांकावर झाली. सेन्सेक्स २४२.०५ अंकांच्या किंवा ०.३२ टक्क्यांच्या वाढीसह ७६,९३५ वर होता. हा त्याचा नवीन विक्रमी उच्चांक आहे. तर NSE चा निफ्टी 29 अंकांच्या किंवा 0.12 टक्क्यांच्या वाढीसह 23,319.15 वर उघडला आहे.
सेन्सेक्स शेअर्सची स्थिती
सेन्सेक्समधील 30 समभागांपैकी 14 समभागांमध्ये वाढ होत असून, 16 समभागांमध्ये घसरण होत आहे. पॉवर ग्रिडचे शेअर्स ३.३३ टक्क्यांनी आणि ॲक्सिस बँकेचे शेअर्स १.६३ टक्क्यांनी वाढले आहेत. अल्ट्राटेक सिमेंट 1.50 टक्के आणि नेस्ले 0.66 टक्क्यांनी मजबूत आहे. एसबीआय 0.63 टक्क्यांनी वधारत आहे. घसरलेल्या समभागांमध्ये टेक महिंद्रा 2.23 टक्के, इन्फोसिस 1.70 टक्के, विप्रो 1.65 टक्के, एचसीएल टेक 1.35 टक्के, टायटन 1.11 टक्के आणि टीसीएस 1 टक्क्यांनी व्यापार करत आहेत.
BSE चे मार्केट कॅपिटलायझेशन
बीएसईचे बाजार भांडवल 425.39 लाख कोटी रुपये झाले आहे. जर यूएस डॉलरमध्ये पाहिले तर हे बाजार भांडवल 5.10 ट्रिलियन डॉलरवर आले आहे. बीएसईवर 3431 शेअर्सची खरेदी-विक्री होत असून, त्यापैकी 2424 शेअर्स वाढीसह व्यवहार करत आहेत. 817 शेअर्समध्ये घट झाली असून 117 शेअर्समध्ये कोणताही बदल नाही. 194 शेअर्सवर अप्पर सर्किट लादण्यात आलं आहे आणि तेवढेच शेअर्स आज एका वर्षाच्या उच्चांकावर उभे आहेत.
निफ्टी शेअर्सची स्थिती
निफ्टीच्या 50 समभागांपैकी 27 समभाग सध्या घसरणीत आहेत. 23 समभागांमध्ये वाढ होत आहे. येथे देखील, पॉवरग्रिड 2.44 टक्क्यांनी आणि अल्ट्राटेक सिमेंट 2.30 टक्क्यांनी वाढून अव्वल लाभधारक राहिले. ॲक्सिस बँक 1.99 टक्क्यांनी, सिप्ला 1.88 टक्क्यांनी आणि अदानी पोर्ट्स 1.66 टक्क्यांनी वर आहेत. NSE मध्ये 2416 शेअर्समध्ये ट्रेडिंग होत असून यापैकी 1743 शेअर्स मजबूत आहेत. 600 शेअर्समध्ये घसरण झाली आहे. तर, 73 शेअर्समध्ये कोणताही बदल न होता व्यवहार होत आहेत.
क्षेत्रनिहाय शेअर परिस्थिती
क्षेत्रानुसार पाहिले तर, आयटी आणि धातू क्षेत्र वगळता, इतर सर्व क्षेत्रीय निर्देशांक वाढीच्या ग्रीन झोनमध्ये व्यवहार करत आहेत. 1.54 टक्क्यांची कमाल वाढ दिसून येत आहे आणि रिअल्टी शेअर्स 1.19 टक्क्यांच्या वाढीसह व्यवहार करत आहेत.
प्री-ओपनिंगमध्ये बाजाराची हालचाल
बीएसई सेन्सेक्स आज 319.08 अंकांनी किंवा 0.42 टक्क्यांनी वधारून 77012.44 च्या पातळीवर बाजारपूर्व सुरुवातीच्या काळात व्यवहार करत होता. अशाप्रकारे सेन्सेक्सने प्रथमच प्री-ओपनिंगमध्ये ७७ हजार होण्याचा मान मिळवला आहे. NSE चा निफ्टी 41.65 अंकांच्या किंवा 0.18 टक्क्यांच्या वाढीसह 23331.80 च्या पातळीवर व्यवहार करत होता.
