Eknath Shinde Speaks About Nilesh Rane : मागील 3 ते 4 दिवसांपासून आमदार निलेश राणे आणि भाजप प्रदेशाध्यक्ष रवींद्र चव्हाण (Ravindra Chavan) यांच्यातील आरोप प्रत्यारोप संपूर्ण महाराष्ट्र (Maharashtra) पाहतोय. निलेश राणे (Nilesh Rane) यांनी रवींद्र चव्हाण (Ravindra Chavan) यांच्या निकटवर्तीयांच्या घरातून तब्ब्ल 20 लाख रुपये हस्तगत केले होते. त्यानंतर भाजप (Bjp) आणि शिवसेनेमध्ये (Shivsena) आरोप प्रत्यारोपांच्या फेऱ्या पाहायला मिळत आहेत. या घटनेनंतर पहिल्यांदाच नगरपालिका निवडणुकीच्या अनुषंगाने उपमुख्यमंत्री एकनाथ शिंदे (Eknath Shinde)यांनी मालवणमध्ये उमेदवाराच्या प्रचारार्थ सभा घेतली. नगराध्यक्ष पदाच्या उमेदवार ममता वराडकर यांच्या प्रचारार्थ घेतलेल्या सभेत ते बोलत होते. शिवसेना ही कोकणच्या सुपुत्रांची संघटना असल्याचं देखील यावेळी त्यांनी सांगितलं. तसेच आमदार निलेश राणे यांच्या कामाचं देखील त्यांनी यावेळी कौतुक केलं. ते म्हणाले की, निलेश मी तुझी एक मुलाखत ऐकली, त्यात तू म्हणालास की, मी एकनाथ शिंदे साहेबांना मी सोडलं तर देव मला माफ करणार नाही.
त्यामुळे ‘तुझ्याबद्दल मी एकच बोलेल कोकणात दगड प्रसिद्ध आहे चिरा आणि कोकणात शिवसेनेला मिळालाय हा हिरा, त्याच नाव आहे निलेश राणे असं म्हटलं तरी वावगं ठरणार नाही’. ‘जो खरंच काम करतो त्याच्या पाठीमागे खंबीरपणे उभा राहणारा हा एकनाथ शिंदे आहे’. तसेच तुम्ही एक व्हिजन असलेला आमदार निवडून दिला असल्याचं देखील ते यावेळी म्हणाले. त्याचप्रमाणे या मालवणला कुठलीही कमी मी पडू देणार नाही. जे जे माझ्याकडून शक्य आहे ते सगळं देण्याचा प्रयत्न मी करणार असल्याचं देखील यावेळी उपमुख्यमंत्री एकनाथ शिंदे म्हणाले.
उद्यापासून लोकसभेचं हिवाळी अधिवेशन; केंद्र सरकार ‘हे’ 14 विधेयक मांडणार
आमदार निलेश राणे यांनी देखील उपमुख्यमंत्री एकनाथ शिंदे यांनी मालवणला काय काय दिल हे यावेळी सांगितलं. कुडाळ मालवण मदारसंघ हा महाराष्ट्रातल्या 288 मतदारसंघांपैकी एक मतदारसंघ असल्याचं आपण आता दाखवून दिल. जे मागील 10 वर्षात कोणाला माहित नव्हतं. जेव्हा मला कोणी संधी देत नव्हतं तेव्हा मला त्यांनी संधी दिली. मला मंत्रीपद किंवा कोणतही पद नको. राणे घराण्याला तुम्ही खूप काही दिलय. त्यामुळे मी तुमचा PA बनून राहायला देखील तयार आहे. असं देखील ते यावेळी म्हणाले.