Ladki Bahin Scheme : राज्य सरकारच्या लाडकी बहीण योजनेबाबत मोठी अपडेट समोर आली आहे. चारचाकी गाडी असणाऱ्या महिला लाभार्थी या योजनेतून वगळण्यात येणार आहेत. यासाठी पडताळणी प्रक्रिया राज्य सरकारने सुरू केली आहे. अंगणवाडी सेविका, पर्यवेक्षिका घरोघरी जाऊन पडताळणी करणार आहेत. या योजनेसाठी राज्य सरकारने काही निकष तयार केले आहेत. परंतु, या निकषात बसत नसतानाही अनेक महिला या योजनेचा लाभ घेत असल्याचे समोर आले आहे आहे. त्यामुळे आता सरकार महिलांच्या अर्जांची पुन्हा एकदा पडताळणी करणार असल्याचे समोर आले आहे.
लाडकी बहीणसाठी सरकारचा मोठा निर्णय; तीन कोटी खर्चून करणार ‘हे’ काम
विधानसभा निवडणूक प्रचाराच्या काळात या योजनेची घोषणा करण्यात आली होती. योजना सुरू झाल्यानंतर सात हप्ते महिलांच्या खात्यात जमा झाले आहेत. आतापर्यंत 10 हजार 500 रुपये लाडक्या बहिणींच्या खात्यात जमा झाले आहेत. आता फेब्रुवारी महिन्याचा हप्ताही लवकरच खात्यात जमा होणार आहे. विरोधकांकडून या योजनेवर टीका सुरू झाली आहे. यामागे कारणही आहे. योजनेसाठी अर्ज करताना सरकारी यंत्रणांनी निकषांकडे लक्ष न देता सरसकट अर्ज मंजूर केले होते.
आता मात्र निकषांची चाळणी लावण्यात आली आहे. चारचाकी असणाऱ्या महिलांची नावे लाभार्थी यादीतून वगळण्यात येणार आहेत. यासाठी 4 फेब्रुवारीपासून अंगणवाडी सेविका, पर्यवेक्षिका घरोघरी जाऊन पडताळणी करणार आहेत. तसेच महायुतीच्या नेत्यांकडूनही योजनेबाबत वेगवेगळी वक्तव्ये होत असल्याने संभ्रम वाढला आहे. त्यामुळे विरोधकांनी राज्य सरकारवर जोरदार टीका करण्यास सुरुवात केली आहे.
जुलै महिन्यापासून लाडकी बहीण योजना सुरू झाली. तेव्हापासून या योजनेचे क्रॉस व्हेरिफिकेशनही करण्यात येत आहे. मागील महिन्यात काही डिफॉल्टर्स सापडले. जे या योजनेत बसत नाहीत त्यांना वगळण्यात आलं आहे. या योजनेसाठी ज्यांनी दोनदा अर्ज केला आहे. ज्यांच्याकडे चारचाकी गाडी आहे तरी देखील त्यांनी अर्ज केला असेल तर अशा लाभार्थ्यांना वगळण्यात येणार आहे.
या योजनेच्या निकषात बदल होत असतो. दोन महिन्यांपूर्वी ज्यांच्याकडे चारचाकी गाडी नव्हती पण आता आहे. त्यामुळे या योजनेचं क्रॉस व्हेरिफिकेशन होणे गरजेचे आहे. शासन निर्णयात या योजनेचे निकष नमूद करण्यात आले आहेत. त्यानुसार प्रक्रिया सुरू आहे. त्यामुळे महिला व बालविकास मंत्री अदिती तटकरे यांनी दिलेल्या माहितीनुसार ज्या महिला निकषात बसत नाहीत त्यांना योजनेतून वगळले जाण्याची शक्यता आहे.
दिल्लीतही लाडकी बहीण योजना, दरमहा खात्यात जमा होणार ‘इतके’ पैसे, केजरीवालांचा मास्टरस्ट्रोक
