शिवसेना शिंदे गटाचे निलेश राणे यांनी भाजपच्या (BJP) कार्यकर्त्याच्या घरावर छापा टाकून नगरपालिका निवडणुकीत भाजप पैशाचा वापर करत असल्याचा आरोप केला आणि तेव्हापासून एकच खळबळ उडालेली आहे. याबाबतचा व्हिडिओ सोशल मीडियावर व्हायरल झाला. निलेश राणे यांनी याबाबत फेसबूक लाईव्ह केलं होतं. दरम्यान, बेकायदेशीररित्या घरात घुसल्याप्रकरणी निलेश राणे यांच्याविरूद्ध पोलिसांनी गुन्हा दाखल केला आहे.
यावर आता भाजपचे आमदार आणि निलेश राणे यांचे बंधू नितेश राणे हे मात्र आपल्या भावाच्या बाजूने मैदानात उतरले आहेत. त्यांनी निलेश राणेंचा बळीचा बकरा केला जातोय असं वक्तव्य केलं. पत्रकार परिषदेवेळी त्यांनी हे वक्तव्य केलं. यावेळी त्यांनी कोकणातील राणेंचे अस्तित्व संपवण्याच्या प्रयत्न सुरू असल्याच्या प्रश्नावरून शिवसेना शिंदे गटाचे दीपक केसरकर यांच्यावर देखील निशाणा साधला.
मोठी बातमी, आमदार निलेश राणेंवर बेकायदेशीरपणे घरात घुसल्याप्रकरणी मालवणमध्ये गुन्हा दाखल
मी आजही सांगतो की आदरणीय निलेशजींचा बळीचा बकरा केला जातोय. त्यांना एकटं पाडलं जातंय. दुसरा शिवसेनेचा नेता का बोलत नाही?, उदयजी येऊन का रवी चव्हाण साहेबांवरती टीका करत नाहीत? निलेशजींनाच का पुढे केलं जातं. अजूनपर्यंत निलेशजींच्या समर्थनार्थ एकही शिवसेनेचा नेता का पुढं आला नाही.
गुलाबराव पाटील तिकडं राज्यातील कुठल्यातरी नगरपालिकेमध्ये राणे साहेबांची कशी खिल्ली उडवतोय याचा व्हिडिओ दाखवू का? असंही नितेश म्हणाले आहेत. निलेशींच्या बाजूनं एक शिवसेनेचा नेता बोलत नाहीये. ना रत्नागिरीतला ना कोकणातला ना महाराष्ट्रातला. दीपक केसरकर साहेबांनी घ्यावं रविंद्र चव्हाणांचं नाव. ‘निलेशी बोलल्याप्रमाणे २ डिसेंबरनंतर फडणवीस चव्हाण साहेबांसोबत बसू अन् महायुती म्हणून यातून काय मार्ग निघतो हे आपण पाहू असंही ते म्हणाले आहेत.