Palash Muchhal in bed with another girl before marriage : भारताची आघाडीची क्रिकेटपटू स्मृती मानधना आणि सुप्रसिद्ध गायक पलाश मुच्छल यांचा विवाह 23 नोव्हेंबर रोजी होणार होता. मात्र स्मृतीच्या वडिलांना अचानक आलेल्या हृदयविकाराच्या झटक्यामुळे हा विवाह सोहळा पुढे ढकलण्याचा निर्णय घेण्यात आला. स्मृती आणि पलाश गेल्या 6 वर्षांपासून एकमेकांच्या प्रेमात होते आणि त्यांच्या नात्याबाबत चाहत्यांमध्ये मोठी उत्सुकता होती.
मात्र काही काळानंतर या नात्याबाबत धक्कादायक माहिती समोर येऊ लागली. पलाश मुच्छल स्मृतीशी प्रामाणिक नसल्याचे आरोप चर्चेत आले आणि अखेर हे नाते तुटल्याचे बोलले जाऊ लागले. या सर्व चर्चांना पूर्णविराम देत स्मृती मानधनाने सोशल मीडियावावर पोस्ट शेअर करत आपण आणि पलाश वेगळे झालो असल्याचे अधिकृतपणे जाहीर केले. त्यानंतर स्मृतींनी आपले संपूर्ण लक्ष हे क्रिकेट कारकिर्दीकडे वळवले असल्याचे दिसून आले.
दरम्यान, या लग्न मोडण्यामागचं खरं कारण आता समोर येत आहे. स्मृतीचा जवळचा मित्र विज्ञान माने याने या प्रकरणावर मोठा खुलासा केला आहे. विज्ञानच्या म्हणण्यानुसार, लग्नाच्या तयारीदरम्यानच पलाश मुच्छल एका दुसऱ्या तरुणीसोबत आक्षेपार्ह अवस्थेत आढळून आला होता. हा प्रसंग अत्यंत धक्कादायक आणि तणावपूर्ण होता. या प्रकारानंतर संतप्त झालेल्या स्मृतीने पलाशला जाब विचारत मारहाण केल्याचा दावाही करण्यात आला आहे. यावेळी स्मृतीच्या मैत्रिणींचाही रोष पलाशवर ओढवला होता. संपूर्ण कुटुंब या घटनेमुळे हादरून गेले होते, असेही सांगितले जात आहे.
मोठी बातमी! मुंबई मनपा महापौर पदाची निवडणूक लांबणीवर, कारणही आले समोर…
स्मृती मानधना आणि विज्ञान माने लहानपणापासूनचे मित्र असून विज्ञान तिच्या कुटुंबाच्या जवळचा व्यक्ती आहे. त्यामुळे त्याने केलेल्या खुलाशाला महत्त्व दिलं जात आहे. या खुलास्यानंतर सोशल मीडियावर स्मृती-पलाश नात्याची जोरदार चर्चा रंगली असून पलाश मुच्छलवर मोठ्या प्रमाणात टीका आणि ट्रोलिंग होत आहे. तर स्मृतीला वेळेत सत्य समजल्यामुळे तिचं आयुष्य आणि करिअर वाचल्याची भावना अनेक नेटकरी व्यक्त करत आहेत.
दरम्यान, पलाश मुच्छलवर आर्थिक फसवणुकीचाही गंभीर आरोप करण्यात आला आहे. विज्ञान माने याने दावा केला आहे की, चित्रपटात गुंतवणूक करण्याच्या बहाण्याने पलाशने त्याच्याकडून सुमारे 40 लाख रुपये घेतले. या प्रकरणी सांगली येथील पोलीस ठाण्यात तक्रार दाखल करण्यात आली असून पोलिसांकडून सध्या तपास सुरू आहे. या संपूर्ण प्रकरणात पुढे आणखी कोणते धक्कादायक खुलासे होतात, याकडे सर्वांचं लक्ष लागले आहे.