Ladki Bahin Scheme : राज्य सरकारच्या लाडकी बहीण योजनेत महत्वाची अपडेट समोर आली आहे. या योजनेत चारचाकी वाहन असणाऱ्या लाभार्थ्यांची पडताळणी राज्य सरकारने सुरू केली आहे. निकषात न बसणाऱ्या जवळपास पाच लाख महिलांचे अर्ज बाद झाले असून त्यांचा लाभ आता बंद होणार आहे. तसेच अनेक महिला लाभार्थी स्वतःहून लाभ नाकारत आहेत. जिल्हा परिषदेच्या बाहेर पैसे परत करण्यासाठी महिलांच्या रांगा लागल्या आहेत. यात पुणे जिल्हा आघाडीवर आहे. त्यानंतर कोल्हापूर आणि अहिल्यानगर या जिल्ह्यांचा नंबर आहे. पुणे जिल्ह्यातून जवळपास 75 हजार महिलांनी पैसे परत करण्याची प्रक्रिया सुरू केली आहे.
लाडक्या बहिणींना मोठा धक्का! ‘त्या’ महिलांचा लाभ होणार बंद; तटकरेंनी काय सांगितलं?
लाडकी बहीण योजना जुलै 2024 मध्ये सुरू करण्यात आली होती. या योजनेतील लाभार्थी महिलांना दरमहा 1500 रुपये थेट त्यांच्या खात्यात जमा केले जात होते. आतापर्यंत या योजनेचे सात हप्ते वितरित करण्यात आले आहेत. फेब्रुवारीचा हप्ता लवकरच खात्यात जमा केला जाणार आहे. दरम्यान, विरोधकांकडून या योजनेवर टीका सुरू झाली. यामागे कारणही आहे. योजनेसाठी अर्ज करताना सरकारी यंत्रणांनी निकषांकडे लक्ष न देता सरसकट अर्ज मंजूर केले होते.
या योजनेच्या पात्रतेसाठी निकषांची चाळणी लावण्यात आली आहे. आदिती तटकरेंनी याची माहिती दिली. अपात्रतेच्या निकषांनुसार, संजय गांधी निराधार योजनेच्या 2,30,000 महिला लाभार्थ्यांना वगळण्यात आलेय. याशिवाय, 65 वर्षांवरील 1,10,000 महिलांना या योजनेतून अपात्र ठरवण्यात आल्याचं तटकरे म्हणाल्या. कुटुंबातील सदस्यांच्या नावे चारचाकी गाडी असलेल्या, नमोशक्ती योजनेच्या लाभार्थी असलेल्या,स्वेच्छेने योजनेतून नाव मागे घेणाऱ्या 1,60,000 अशा एकूण पाच लाख महिला अपात्र ठरल्या आहेत.
लाडकी बहीणसाठी सरकारचा मोठा निर्णय; तीन कोटी खर्चून करणार ‘हे’ काम
महिलांनी परत केलेले पैसे पुन्हा शासनाच्या तिजोरीत जमा करण्यासाठी नवीन हेड तयार करण्यात आले आहे. ज्यांना या योजनेत लाभ नको असेल त्यांनी सरकारी बँकेत जाऊन या हेडच्या खात्यात चलनाद्वारे पैसे परत करण्याची सुविधा उपलब्ध करून देण्यात आली आहे. ज्या महिलांच्या कुटुंबात चारचाकी वाहन आह तसेच अन्य शासकीय योजनांचा लाभ घेत आहेत अशा महिला या योजनेतून अपात्र ठरत आहेत. या अपात्र महिलांनी आता स्वेच्छेने पैसे परत करण्यास सुरुवात केली आहे.
लाडक्या बहिणींना २१०० रुपये कधी मिळणार?
विधानसभा निवडणुकीपूर्वी प्रचारादरम्यान महायुतीने राज्यात आपलं सरकार आल्यास लाडक्या बहिणींना दिल्या जाणाऱ्या लाभाची रक्कम १,५०० रुपयांवरून २,१०० रुपये केली जाईल, अशी घोषणा केली होती. आता लाडक्या बहिणींना या घोषणेच्या अंमलबजावणीची प्रतिक्षा आहे. दरम्यान, राज्य सरकारचं आर्थिक बजेट सादर झाल्यानंतर लाडक्या बहिणींना २१०० रुपये मिळण्याची शक्यता आहे.
