धंगेकरांना पराभवाचा तिसरा धक्का; कोमकर हत्याप्रकरणात जेलमध्ये असलेल्या सासू व सुना विजयी

Pune Municipal Corporation Election Results 2026: लोकसभा विधानसभा आणि आता महानगर पालिका निवडणुकीत सलग तिसरा पराभवाचा धक्का बसला आहे. ज्या निवडक लढतींकडे संपर्ण राज्याचं लक्ष लागून राहिलं होतं त्या आंदेकर आणि धंगेकरांच्या प्रभागात आंदेकरांचा विजय झाला आहे. जेलमधून निवडणूक लढवलेल्या सोनाली आंदेकर विजयी झाल्या असून प्रतिभा रवींद्र धंगेकर यांचा पराभव झाला आहे.

आंदेकर विरुद्ध धंगेकर अशी काँटे की टक्कर झाली होती चौथ्या फेरीत सोनाली आंदेकर ८५६ मतांनी आघाडीवर होत्या. अखेर त्यांचा विजय झाला आहे. सोनाली आंदेकर ह्या गुंड बंडू आंदेकरची सून आहेत.

सोनाली आंदेकरांवर आयुष कोमकर हत्येचा कट रचल्याप्रकरणी गुन्हा दाखल आहे. त्यामुळे त्यांनी तुरुंगातून लढत दिली होती. सोनाली आंदेकर विजयी झाल्या आहेत. तर त्यांची चुलत सासू लक्ष्मी आंदेकर याही विजयी झाल्या आहेत.