Sushma Andhare On Sharad Ponkshe : अभिनेते शरद पोंक्षे यांनी नुकतीच काही दिवसांपूर्वी सोशल मीडियावर एक पोस्ट शेअर केली .यामध्ये त्यांनी आपली मुलगी सिद्धी पोंक्षे हीचे पायलट झाल्याबद्दल अभिनंदन केले. तसेच बॅकेचं कर्ज काढून,कोणतीही सवलत,आरक्षण नसताना केवळ मेहनत ,बुध्दीमत्ता ,परिश्रम व निष्ठा या जोरावर माझी मुलगी पायलट झाली, असे शरक्ष पोंक्षे यांनी म्हटले होते. यावेळी अनेकांना कोणतीही सवलत,आरक्षण नसताना हे शब्द खटकले. यावर ठाकरे गटाच्या नेत्या सुषमा अंधारेंनी एक पोस्ट लिहली आहे. त्याला शरद पोंक्षे उत्तर देणार का ते पाहणे महत्वाचे ठरणार आहे.
सुषमा अंधारे पोस्टमध्ये काय म्हणाल्या?
शरदराव (पोंक्षे )नमस्कार
एरवी मला दादा भाऊ असं बोलून सुरुवात करायची सवय आहे . मात्र निश्चितपणे तुम्हाला ते आवडणार नाही. कारण तुमची माझी ना जात एक आहे.. ना गोत्र एक आहे. कारण माणसा माणसात भेद निर्माण करणारा जो सनातनी धर्म तुम्ही सांगत आहात तो कदाचित मला मान्य होणार नाही आणि प्रबोधनकारांनी किंवा शिवसेनेचे संस्थापक बाळासाहेब यांनी किंवा शिवसेना पक्षप्रमुख उद्धव साहेब सांगत असलेले सर्व समावेशक हिंदुत्व तुम्हाला कळणार नाही.
‘कर्जत येथील नीरव मोदीची जमीन ही…’; रोहित पवारांनी सगळंच सांगितलं
तुमच्या लेकीचं मनःपूर्वक अभिनंदन. लेक कुणाचीही असो तिचं कौतुक झालंच पाहिजे. पण शरदराव कौतुक करताना सुध्दा माणूस म्हणून कसे आपण क्षुद्र किंवा नालायक आहोत हे दाखवायलाच हवे का ?
शरदराव, “भेकड आणि भित्र्या माणसाची अहिंसा ही अहिंसा मानली जात नाही. हे माहीत असेलच तुम्हाला.
उलट ज्याच्यामध्ये कमालीचं बाहुबल आहे, भल्या भल्यांना सहज धूळ चारण्याची धमक आहे पण तरीही जो आपल्या बलाचा प्रयोग निष्कारण करत नाही तो खऱ्या अर्थाने अहिंसा मानणारा.”
हे इथे लिहिण्याचे कारण म्हणजे आज माझ्या राजकीय कारकीर्दीला अर्थात मी शिवसेनेत प्रवेश केला या घटनेला एक वर्ष पूर्ण होत आहे. मला कुठलीही राजकीय पार्श्वभूमी नाही. ना कुठलं जातीय किंवा आर्थिक पाठबळ आहे. पण कुठल्याही जातीय आर्थिक आरक्षणाशिवाय माझ्या गुणवत्तेने मी काय करू शकते हे एक वर्षात तुमच्यासह महाराष्ट्राने बघितलंच आहे.
दिल्लीच्या ‘आका’साठीच दोन दिवस अधिवेशनाला सुट्टी? नाना पटोलेंनी कोंडीतच पकडलं…
अर्थात कुठलेही जातीय आर्थिक किँवा वांशिक निकष न लावता निव्वळ माझ्यातल्या गुणवत्तेची पारख करत मला राज्यभर काम करण्याची संधी देणारे सन्माननीय पक्षप्रमुख उद्धव साहेबांचा मानवतावादी दृष्टिकोनही तितकाच महत्त्वाचा आहे. पण हे तुमच्यासारख्या माणूसद्वेषष्ट्यांना अजिबात कळणार नाही.
आणि हो ज्या आरक्षणाबद्दल तुम्ही प्रचंड तिरस्कृतपणाने लिहलत ना, त्या आरक्षणाची लाभार्थी होणे मला सहज शक्य असताना सुद्धा माझं संपूर्ण शिक्षण मी खुल्या प्रवर्गातून पूर्ण केले आहे. आणि हो नुसतं पूर्ण केलं नाही तर विशेष प्राविण्यासह आणि विद्यापीठ राष्ट्रीय आणि आंतरराष्ट्रीय पातळीवरील तब्बल पाच सुवर्णपदकांसह पूर्ण केले आहे. त्यामुळे आरक्षण लाभार्थी होणे शक्य असतानाही ते नाकारण्याची हिंमत जर मी करू शकत असेल तर तुमच्यासारख्या माणसाला (?) आरसा दाखवण्याची हिंमत मी करूच शकते. नाही म्हणजे माझं कौतुक तुमच्या पेक्षा दुप्पट नाही का ?
अहो शरदराव कुणी कोणत्या जातीत जन्माला यावे यासाठी कुठेही अर्ज केलेला नसतो हे माहीत असेलच तुम्हाला त्यामुळे जी गोष्ट मिळवण्यामध्ये आपले कसलेही स्वकर्तृत्व नाही त्याची जशी लाज असू नये तसा माजही असू नये याचं भान असेलच तुम्हाला.
शरदराव तुम्ही एका दुर्धर आजारातून बरे झालात. पण या आजारा दरम्यान उपचार घेत असताना रक्त लघवी तपासण्याचे ठिकाण असेल, मेडिकल स्टोअरवर काम करणारी मुलं असतील, शस्त्रक्रिया दरम्यान आवश्यकता असणारे भुलतज्ञ , केमोथेरपी देणारे डॉक्टर्स, रक्ताची गरजच पडली असेल तर रक्तपेढीत काम करणारे कर्मचारी किंवा दिवस रात्र सेवा करणाऱ्या नर्सेस यांच्या जाती तुम्हाला माहीत होत्या का हो…
असो बोलण्यासारखे बरेच आहे.. पण तूर्तास एवढेच.. ! लवकर बरे व्हा..!!
ता. क. जातविषयक पित्त वारंवार उफाळून येत असेल तर बुद्ध गुरुनानक महावीर कबीर संत ज्ञानेश्वर तुकोबाराय यांच्या विचारांचा काढा नियमित घेत चला खात्रीने पित्त असे उफाळून येणार नाही.
प्रा. सुष्मा अंधारे
