विदर्भ अन् पश्चिम महाराष्ट्रात कोसळ’धार’, चार दिवस फक्त पाऊस; ‘या’ जिल्ह्यांना रेड अलर्ट

Maharashtra Rain Update : राज्यात काही जिल्ह्यांत मुसळधार पाऊस (Maharashtra Rain) पडत आहे तर काही जिल्ह्यांत मात्र पावसाने विश्रांती (Heavy Rain) घेतली आहे. आजही काही जिल्ह्यांत जोरदार पाऊस होणार असल्याचा अंदाज हवामान विभागाने व्यक्त केला आहे. रेड अलर्ट जारी (Red Alert) करण्यात आला आहे. येत्या 14 जुलैपर्यंत मुसळधार पावसाचा इशारा पु्णे वेधशाळेने दिला आहे. वेधशाळेच्या अंदाजानुसार 11 ते 14 जुलै दरम्यान राज्यात मुसळधार पाऊस होईल. विदर्भात अतिवृष्टीचा इशारा देण्यात आला आहे. पुणे शहरासह जिल्ह्याला ऑरेंज अलर्ट जारी करण्यात आला आहे. तर पश्चिम महाराष्ट्रातील अन्य जिल्ह्यांना यलो अलर्ट देण्यात आला आहे.

आज हवामान विभागाने विदर्भाला ऑरेंज अलर्ट जारी केला आहे. पश्चिम विदर्भ आणि मराठवाड्यात तुरळक ठिकाणी विजांच्या कडकडाटासह पाऊस होईल असा अंदाज आहे. नागपूर, भंडारा, गोंदिया, चंद्रपूर, वर्धा, गडचिरोली या जिल्ह्यांना ऑरेंज अलर्ट (Orange Alert) जारी करण्यात आला आहे.

सावधान! राज्यात पावसाचा जोर वाढणार, ‘या’ जिल्ह्यांना हवामान विभागाचा इशारा

बुलढाणा, अकोला, अमरावती, वाशिम, यवतमाळ, जालना, परभणी या जिल्ह्यांना यलो अलर्ट देण्यात आला आहे. या जिल्ह्यांत विजांच्या कडकडाटासह पावसाचा अंदाज आहे. रेड, ऑरेंज आणि यलो अलर्ट जारी केलेल्या सर्व जिल्ह्यांतील नागरिक आणि शेतकऱ्यांनी सतर्क राहावे, घराच्या बाहेर पडताना काळजी घ्यावी असे आवाहन करण्यात आले आहे.

महाराष्ट्रात गेल्या काही आठवड्यांपासून मुसळधार पाऊस सुरू असून, IMD ने पाच ते आठ जुलैपर्यंत जोरदार पावसाचा अंदाज दिला होता. त्यानुसार राज्यात अनेक जिल्ह्यांत मुसळधार पाऊस झाला. आजही काही भागात मुसळधार पावसाची शक्यता आहे. तेव्हा नागरिकांनी घरे सुरक्षित ठेवून, बाहेर जाण्यासाठी सूचनांचे काटेकोर पालन करावे. राज्यात गेल्या दोन महिन्यांपासून मुसळधार पाऊस (Heavy Rain) सुरू आहे. उद्यापासून मात्र काही ठिकाणी पावसाचा जोर कमी होणार असल्याचा अंदाज व्यक्त करण्यात आला आहे.

मागील दोन ते तीन दिवसांपासून कोकणात पावसाने धुमाकूळ घातला आहे. विदर्भातही अशीच परिस्थिती आहे. कोकण तसेच घाटमाथ्यावर पावसाचा जोर जास्त होता. अकोला, वाशिम जिल्ह्यांत संततधार पाऊस पडत होता. आजही कोकणातील काही जिल्ह्यांत जोरदार पावसाचा अंदाज व्यक्त करण्यात आला आहे. तर काही भागात मात्र हवामान स्वच्छ राहील अशी स्थिती दिसून येत आहे.

गेल्या 24 तासात सर्वांधिक पाऊस कुठे? हवामान विभागाकडून अलर्ट कोणत्या जिल्ह्यांना?