Who Is Nurul Hasan Nitin Gadkari Warns : राजकीय कार्यक्रमांमध्ये (Maharashtra Politics) सामान्यतः अधिकारी उपस्थित राहतात, पण क्वचितच एखादा पोलीस अधिकारी मंचावरून खास कौतुकाचा विषय ठरतो. भंडाऱ्यात (Bhandara) नुकत्याच पार पडलेल्या बायपास उद्घाटन कार्यक्रमात केंद्रीय मंत्री नितीन गडकरी (Nitin Gadkari) यांनी जिल्हा पोलीस अधीक्षक नुरुल हसन यांचे खुलेआम कौतुक केल्याने ते चर्चेच्या केंद्रस्थानी आले आहेत.
जर जिल्ह्यात कडक शिस्तीचा अधिकारी नसेल, तर आमदारही सुधारणार नाहीत, असा रोखठोक इशारा देत गडकरींनी भंडाऱ्याचे आमदार नरेंद्र भोंडेकर यांना स्पष्ट शब्दांत तंबी दिली. हे सगळं एका अधिकाऱ्याच्या सक्षमता आणि कार्यक्षमतेसाठी. तेच पोलीस अधीक्षक नुरुल हसन नेमके (Who Is IPS Nurul Hasan) कोण आहेत? त्यांची कारकिर्द कशी आहे, ते आपण सविस्तर जाणून घेऊ या.
शिवसेना आणि मनसेचा महत्त्वाचा मेळावा सोडून, मिलिंद नार्वेकर कुठे गेले?
नुरुल हसन कोण आहेत?
IPS अधिकारी नुरुल हसन हे सध्या भंडारा जिल्ह्याचे पोलीस अधीक्षक म्हणून कार्यरत आहेत. त्यांनी महाराष्ट्रातील अनेक जिल्ह्यांत गुन्हेगारी विरोधात कठोर कारवाई केली आहे. त्यांचा कार्यशैलीतील शिस्तप्रियपणा, गुन्हेगारांवरील धडक मोहीम, आणि पोलिसिंगमधील पारदर्शकता यामुळे त्यांना ओळख मिळाली आहे.राजकीय हस्तक्षेपाला न झुकता काम करणारा अधिकारी अशी त्यांची प्रतिमा असून, जिल्ह्यात कायदा आणि सुव्यवस्था अबाधित ठेवण्यासाठी त्यांनी अनेक धोरणात्मक निर्णय घेतले आहेत.
खाजगी नोकरीतून शास्त्रज्ञ आणि शास्त्रज्ञातून आयपीएस असा प्रवास करून धाडसी पोलिस अधिकारी बनलेले आयपीएस नुरुल हसन आता भंडारा जिल्ह्याचे नवे पोलीस कॅप्टन असतील. वर्धा जिल्ह्यातून भंडारा जिल्ह्याचे नवे पोलीस अधीक्षक म्हणून त्यांची नियुक्ती करण्याचे प्रशासकीय आदेश जारी करण्यात आले आहेत. 2015 बॅचचे आयपीएस पोलिस अधिकारी नुरुल हसन यांचे नाव ऐकताच गुन्हेगार घाबरतात. त्यांचे धाडसी कारनामे केवळ महाराष्ट्रातच नव्हे तर नागपूर आणि वर्ध्यातही प्रसिद्ध आहेत. नुरुल हसन नागपूरमध्ये डीसीपी राहिले आहेत, नागपुरात राहून त्यांच्या नावाने गुन्हेगारांमध्ये भीती निर्माण केली. त्यांच्या नावावर अनेक धाडसी कारनामे नोंदले गेले आहेत, मग ते क्रिप्टो करन्सीचे प्रकरण असो किंवा चीनमध्ये बसलेले सायबर गुन्हेगार असो किंवा ऑनलाइन फसवणूक असो. या आयपीएस अधिकाऱ्याने मोठ्या गुन्ह्यांना आळा घालण्यात कोणतीही कसर सोडली नाही.
राज्यात पुन्हा पावसाचा जोर! पुढील 5 दिवसांसाठी हाय अलर्ट, हवामान विभागाचा इशारा
वर्धा जिल्ह्याचे पोलीस अधीक्षक असताना, आयपीएस नुरुल हसन यांनी अनेक गुन्हेगारी कारवायांना आळा घालण्याचे काम केले. त्यांनी 4.5 कोटी रुपयांच्या दरोड्याचा पर्दाफाश केला. आता ते त्याच शैलीत भंडारा जिल्ह्याचे कॅप्टन बनून पोलीस खात्याचा कार्यभार स्वीकारणार आहेत. आयपीएस नुरुल हसन यांनी 2014 मध्ये नागरी सेवा परीक्षा उत्तीर्ण केली. याआधी त्यांनी भाभा अणु संशोधन संस्थेची परीक्षा दिली आणि तारापूर केंद्रात शास्त्रज्ञ पद भूषवले होते.
बालपण आणि शिक्षण
नुरुल हसन यांचं उत्तर प्रदेशातील पिलीभत जिल्ह्यातील हररायपूर हे मूळ गाव. कुटुंबाची आर्थिक परिस्थिती सुरुवातीपासूनच हलाखीची. वडील चौथी श्रेणीतील कर्मचारी तर आई गृहिणी. त्यांना दोन लहान भाऊ होते. नुरुल यांचे बालपण आर्थिक अडचणीत गेले. सुरुवातीचे शिक्षणही गावातच केले. नुरुल हसन यांनी दहावीत 67 टक्के गुण मिळवून शाळेत अव्वल स्थान पटकावले. जेव्हा त्यांच्या वडिलांना नोकरी मिळाली तेव्हा कुटुंब गाव सोडून बरेलीला गेले. त्यांनी बारावी बरेलीतूनच केली. जिथे त्यांना 75 टक्के गुण मिळाले. ते बरेलीतील एका झोपडपट्टीत राहत होते. कठीण परिस्थितीतही त्यांनी किंवा त्यांच्या कुटुंबाने कधीही अभ्यास थांबवण्याचा विचार केला नाही. बारावीनंतर हसन यांची अलीगड मुस्लिम विद्यापीठात बी.टेकसाठी निवड झाली. पण नंतर त्यांच्याकडे फी भरण्यासाठीही पैसे नव्हते. त्यानंतर त्यांच्या वडिलांनी त्यांच्या गावातील जमीन विकली. त्यानंतर त्याची फी भरली गेली. येथून शिक्षण पूर्ण केल्यानंतर त्याला एका खाजगी कंपनीत नोकरी मिळाली. या नोकरीतूनही त्याच्या कुटुंबाच्या मूलभूत गरजा पूर्ण करणे कठीण होते. त्यानंतर त्याने भाभा अणु संशोधन केंद्राने घेतलेल्या परीक्षेसाठी फॉर्म भरला. ही परीक्षा उत्तीर्ण झाल्यानंतर त्यांना शास्त्रज्ञ म्हणून नियुक्ती मिळाली. नोकरीसोबतच यूपीएससीची तयारी करणे खूप कठीण होते, पण त्यांनी हार मानली नाही. 2013 मध्ये त्यांनी सिव्हिल सर्व्हिसेस परीक्षेची तयारी सुरू केली आणि त्याच्या कठोर परिश्रमामुळे 2015 मध्ये यूपीएससी उत्तीर्ण झाले. त्यांनी यूपीएससीमध्ये 625 रँक मिळवला, त्यांची आयपीएससाठी निवड झाली.
सामान्यांचा विश्वास, गुन्हेगारांना धास्ती
नुरुल हसन यांच्या नेतृत्वाखाली भंडाऱ्यात अनेक महत्त्वाच्या कारवाया करण्यात आल्या आहेत. जिल्ह्यातील महिलांच्या सुरक्षिततेसाठी विशेष पथके, सायबर गुन्ह्यांवर लक्ष ठेवणारी टीम आणि गुन्हेगारी टोळ्यांवर मोहीम, हे त्यांचे ठळक कार्य क्षेत्र ठरले आहे. नितीन गडकरी यांच्यासारख्या ज्येष्ठ मंत्र्यांकडून आलेले सार्वजनिक कौतुक केवळ एक प्रशंसा नाही, तर नुरुल हसन यांच्या पुढील सेवाजिवनासाठी एक सकारात्मक संकेत देखील मानले जात आहे.
