Haryana Jammu Kashmir Assembly Election Result 2024 LIVE : जम्मू-काश्मीर आणि हरियाणामधील ९० विधानसभा मतदारसंघांसाठी आज मंगळवार (दि. ८ ऑक्टोबर)रोजी सकाळी ८ वाजता मतमोजणी सुरू झाली आहे. २०१४ नंतर जम्मू आणि काश्मीरमधील पहिल्या विधानसभा निवडणुका तीन टप्प्यांत पार पडल्या आणि त्यात ६३.४५ टक्के मतदान झाले, जे २०१४ च्या विधानसभा निवडणुकीत नोंदवलेल्या ६५.५२ टक्क्यांपेक्षा कमी आहे. दरम्यान, आपण प्रत्येक ठिकाणचा रिझल्ट पाहा लाईव्ह.
हरियाणातील ९० जागांवर मतदान संपल्यानंतर राज्यात नवीन सरकार कोणाचं येणार हे समजण्यासाठी आता उलटी गिनती सुरू झाली आहे. बहुतांश एक्झिट पोलने काँग्रेसला स्पष्ट बहुमत मिळण्याची शक्यता वर्तवली आहे. हरियाणात दहा वर्षांनंतर पुन्हा सत्तेत येण्याचे संकेत मिळाल्याने काँग्रेसमध्ये उत्साह असतानाच मुख्यमंत्रीपदाच्या शर्यतीबाबतही चुरस सुरू झाली आहे.