वाराणसी : आयआयटी बीएचयूच्या (IIT BHU) विद्यार्थिनीवर सामूहिक बलात्कार करणाऱ्या तीन आरोपींना वाराणसी पोलिसांनी (Varanasi Police) सोमवारी अटक केली. तिन्ही आरोपींची ओळख उघड होताच भारतीय जनता पक्षात घबराटीचे वातावरण आहे. प्रत्यक्षात अटक करण्यात आलेले तीन आरोपी हे भारतीय जनता पक्षाच्या बड्या नेत्यांचे जवळचे असल्याचे समोर आले आहे. कुणाल पांडे (Kunal Pandey), आनंद चौहान आणि सक्षम पटेल अशी आरोपींची नावे आहेत. हे तिघेही गेल्या निवडणुकीत भाजपच्या आयटी सेलमध्ये होते.
‘तहरीक-ए-हुर्रियत’ दहशतवादी संघटनेवर बंदी; केंद्र सरकारची मोठी कारवाई
1 नोव्हेंबर रोजी घडलेल्या या घटनेनंतर विरोधी पक्षाच्या बड्या नेत्यांनी या प्रकरणावरून कायदा आणि सुव्यवस्थेवर निशाणा साधला होता. काँग्रेसचे प्रदेशाध्यक्षांनी हे आरोपी भाजपशी संबंधित असल्याचा आरोप केला होता. त्यामुळ कॉंग्रस प्रदेशाध्यक्षांवरच लंका पोलीस ठाण्यात गुन्हाही दाखल करण्यात आला होता. आता हे प्रकरण समोर आल्यानंतर काँग्रेस प्रदेशाध्यक्ष अजय राय यांनी निशाणा साधला आहे.
सर्व आरोपी भाजपचेच; काँग्रेस प्रदेशाध्यक्षांच्या आरोप खरे
1 नोव्हेंबर 2023 रोजी, BHU IIT कॅम्पसमध्ये रात्री उशिरा तीन लोकांनी एका विद्यार्थिनीचा विनयभंग करत एक नग्न व्हिडिओ बनवला होता. यानंतर आयआयटी कॅम्पसमध्ये मोठं आंदोलन झालं होतं. त्यानंतर या प्रकरणातातील दोषींवर कलम ३७६ (डी) गुन्हा दाखल करण्यात आला होता. हा मुद्दा प्रियांका गांधी, अखिलेश यादव या सर्व बड्या विरोधी नेत्यांनीही उचलून धरला होता. त्यानंतर, घटनेच्या अवघ्या आठवडाभरानंतर, काँग्रेस प्रदेशाध्यक्ष अजय राय यांनी त्यात भाजपच्या एका वरिष्ठ पदाधिकाऱ्याचा सहभाग असल्याचे जाहीरपणे सांगितले होते, त्यानंतर अजय राय यांच्या विरोधात लंका पोलीस ठाण्यात गुन्हा दाखल करण्यात आला होता.
‘थर्टी फस्टला’ना दारू, ना मटन; नगरमधल्या ‘या’ गावाने आखला आमटी-भाकरीचा बेत
आरोपींना वाचवण्याचा प्रयत्न
आरोपींची पुष्टी होताच काँग्रेसचे प्रदेशाध्यक्ष अजय राय यांनी सांगितले की, घटनेच्या आठवडाभरातच सर्व पोलीस अधिकाऱ्यांना समजले की आरोपी सत्ताधारी पक्षाशी संबंधित आहेत, त्यामुळे त्यांनी त्यांना वाचवण्याचा सर्वतोपरी प्रयत्न केला. आणि जेव्हा मी विरोधी पक्षनेता म्हणून आवाज उठवला तेव्हा माझ्यावर खोटा गुन्हा दाखल झाला. माझ्या माहितीनुसार, घटनेच्या वेळी तत्कालीन पोलीस ठाणे प्रमुख आणि एसीपी भेलुपूर यांच्यावर सत्ताधारी पक्षाचा खूप दबाव होता. त्यामुळे इतके दिवस आरोपींना अटक झाली नाही. हा मुद्दा आम्ही सातत्याने मांडला, त्यामुळे दबावामुळे आरोपींना अटक करणे शक्य झाले आहे.
भाजप आयटी सेलचे महानगर समन्वयक मुख्य आरोपी
कुणाल पांडे, सक्षम पटेल आणि आनंद चौहान अशी अटक करण्यात आलेल्या तीन आरोपींची नावे आहेत. कुणाल पांडे हे भारतीय जनता पक्षाच्या महानगर युनिटच्या आयटी सेलचे समन्वयक आहेत, तर सक्षम पटेल हे सह-संयोजक आहेत. आनंद चौहान हे कैंट विधानसभा मतदारसंघातील आयटी सेलचे समन्वयक आहेत. काही दिवसांपूर्वी काशी प्रांत अध्यक्ष दिलीप सिंग पटेल यांच्याकडेही सक्षम पटेल शांतता अधिकारी म्हणून काम करत होते. याशिवाय कुणाल पांडे आयटी सेलच्या सदस्यांची नियुक्ती करायचे. कुणाल पांडे हे सरायसर्जन प्रभागातील भाजप नगरसेवकाचे जावई आहेत. कुणाल पांडेंचा विवाह सरायसर्जन प्रभागाचे नगरसेवक मदन मोहन तिवारी यांच्या मुलीशी गेल्या वर्षी झाला होता. 2022 मध्ये आनंद चौहान यांच्याविरुद्ध भेलूपूर पोलिस ठाण्यात विनयभंगाचा गुन्हाही दाखल आहे.
एसओ आणि एसीपींना हटवताच अटक
१ नोव्हेंबर रोजी घडलेल्या या घटनेनंतर स्थानिक पोलीस ठाण्याचे प्रभारी अश्वनी पांडे यांना नोटीस लावण्यात आली होती. काही दिवसांपूर्वी स्थानिक सर्कलचे एसीपी प्रवीण सिंग यांचीही दुसऱ्या जिल्ह्यात बदली झाली होती. या दोन घटनांनंतर झालेल्या अटकेने काँग्रेसचे प्रदेशाध्यक्ष अजय राय म्हणाले की, आरोपींना अटक करू नये यासाठी तत्कालीन तपास पथक आणि स्थानिक पोलीस अधिकारी यांच्यावर प्रचंड दबाव होता.
