Nirmala Sitharaman On Barack Obama: केंद्रीय अर्थमंत्री निर्मला सीतारामन यांनी भारतातील मुस्लिमांच्या सुरक्षेबाबत केलेल्या वक्तव्यावरून अमेरिकेचे माजी राष्ट्राध्यक्ष बराक ओबामा यांच्यावर निशाणा साधला आहे. हे माजी राष्ट्रपती आहेत ज्यांच्या राजवटीत सहा मुस्लिमबहुल देशांवर 26,000 हून अधिक वेळा बॉम्बस्फोट झाले. त्यांच्या टीकेचं मला आश्चर्य वाटले, अशी टीका सीतारामन यांनी केली आहे.
निर्मला सीतारामन पुढे म्हणाल्या की, पंतप्रधान मोदी अमेरिकेच्या दौऱ्यावर असताना अमेरिकेचे माजी राष्ट्राध्यक्ष भारतीय मुस्लिमांबद्दल बोलत होते. हे माजी राष्ट्रपती आहेत ज्यांच्या राजवटीत सहा मुस्लिमबहुल देशांवर 26,000 हून अधिक वेळा बॉम्बस्फोट झाले. लोक त्याच्या आरोपांवर विश्वास कसा ठेवतील. मी सावधपणे बोलत आहे, आम्हाला अमेरिकेशी चांगली मैत्री हवी आहे, पण तिथून भारताच्या धार्मिक सहिष्णुतेवर हल्ले केले जात आहेत.
‘कर्नाटक मॉडेल महाराष्ट्रात लागू करा’, सिद्धरामय्यांनी दिला शरद पवारांना प्लॅन
पंतप्रधानांनी स्वतः अमेरिकेत सांगितले आहे की त्यांचे सरकार ‘सबका साथ, सबका विकास’ या तत्त्वावर काम करते आणि कोणत्याही समुदायाशी भेदभाव करत नाही, असे सीतारामन म्हणाल्या. देशाचे पंतप्रधान म्हणून नरेंद्र मोदींना मिळालेल्या 13 सर्वोच्च राज्य पुरस्कारांपैकी 6 त्या देशांनी दिले आहेत जेथे मुस्लिम बहुसंख्य आहेत, असेही सीतारामन म्हणाल्या.
लाचखोर रामोडची बदली रोखण्यासाठी विखेंचे मुख्यमंत्र्यांना पत्र; अंबादास दानवेंनी पुरावाच दाखविला !
दरम्यान, बराक ओबामा यांनी 22 जूनला सीएनएन या वृत्तवाहिनीला सांगितले की, जर अमेरिकेचे राष्ट्राध्यक्ष पंतप्रधान मोदींना भेटले तर त्यांनी हिंदू बहुसंख्य भारतातील मुस्लिम अल्पसंख्याकांच्या सुरक्षेचा मुद्दा उपस्थित करावा. जर माझे पंतप्रधान मोदींशी बोलणे झाले असते तर मी त्यांना म्हटले असते की जर तुम्ही भारतातील अल्पसंख्याकांच्या हक्कांचे रक्षण केले नाही, तर भारत कधीतरी दुभंगला जाण्याची शक्यता आहे.
