नवी दिल्ली : इन्फोसिसचे संस्थापक नारायण मूर्ती यांच्या पत्नी, इन्फोसिस फाउंडेशनच्या माजी अध्यक्षा आणि ज्येष्ठ लेखिका सुधा मूर्ती (Sudha Murthy) यांची राष्ट्रपती नामनिर्देशित राज्यसभा खासदार म्हणून नियुक्ती करण्यात आली आहे. आज (8 मार्च) आंतरराष्ट्रीय महिला दिनी पंतप्रधान नरेंद्र मोदी (Narendra Modi) यांनी मूर्ती यांच्या नियुक्तीविषयी घोषणा केली. (Sudha Murthy nominated to Rajya Sabha, PM announces on Women’s Day)
सुधा मूर्ती यांच्या नियुक्तीविषयी माहिती देताना पंतप्रधान मोदी म्हणाले, भारताच्या राष्ट्रपती द्रौपदी मुर्मू यांनी सुधा मूर्ती यांची राज्यसभेवर नियुक्ती केल्याने मला आनंद होत आहे. सामाजिक कार्य, परोपकार आणि शिक्षण यासह विविध क्षेत्रात सुधाजींचे योगदान प्रचंड आणि प्रेरणादायी आहे. राज्यसभेतील त्यांची उपस्थिती ही आमच्या ‘नारी शक्ती’चा एक मोठा पुरावा आहे, भारताचे भविष्य घडवण्यात महिलांनी किती योगदान दिले आहे, याचे हे उदाहरण ठरेल. त्यांच्या फलदायी फलदायी संसदीय कार्यकाळासाठी शुभेच्छा… असेही मोदी म्हणाले.
I am delighted that the President of India has nominated @SmtSudhaMurty Ji to the Rajya Sabha. Sudha Ji's contributions to diverse fields including social work, philanthropy and education have been immense and inspiring. Her presence in the Rajya Sabha is a powerful testament to… pic.twitter.com/lL2b0nVZ8F
— Narendra Modi (@narendramodi) March 8, 2024
