The Friendship Files : सोशल मीडियावर सध्या प्रचंड व्हायरल होत असलेल्या पंतप्रधान मोदी आणि उद्योगपती गौतम अदानी यांच्यावरील डॉक्युमेंटरी प्रसारणावर बंदी घालण्याचा निर्णय कलकत्ता उच्च न्यायालयाने दिला आहे. न्यायालयाने डॉक्युमेंटरी 31 जानेवारी 2027 पर्यंत अपलोड करण्यावर आणि शेअर करण्यावर स्थगिती आणली आहे. ‘अदानी एंटरप्रायझेस लिमिटेड’ (Adani Enterprises Limited) ने उच्च न्यायालयाच्या सुट्टीकालीन खंडपीठासमोर (व्हॅकेशन बेंच) दाखल केलेल्या याचिकेवर हा आदेश देण्यात आला आहे.
या याचिकेत तंत्रज्ञान उद्योजक सबीर भाटिया (Sabeer Bhatia) जो या डॉक्युमेंटरीचा (The Friendship Files) निर्माता असल्याचा आरोप आहे आणि इतर काहींना प्रतिवादी करण्यात आले आहे. या याचिकेद्वारे व्हिडिओचा प्रसार थांबवण्याची मागणी करण्यात आली असून, बदनामीबद्दल नुकसान भरपाईही मागण्यात आली आहे. न्यायमूर्ती आर्यक दत्त यांनी प्रतिवादींना ज्यामध्ये ‘एक्स’ (X), यूट्यूब (YouTube) आणि इंस्टाग्रामचे (Instagram) मालक व चालक, त्यांचे प्रतिनिधी आणि त्यांच्या अधिकारक्षेत्रात काम करणारे इतर लोक यांचा समावेश आहे. या व्हिडिओचे किंवा त्यातील कोणत्याही भागाचे, क्लिपचे किंवा त्यापासून तयार केलेल्या तत्सम आशयाचे प्रकाशन, पुनर्प्रकाशन, अपलोडिंग किंवा शेअरिंग कोणत्याही माध्यमावर किंवा व्यासपीठावर करण्यास मनाई केली आहे. ही अंतरिम स्थगिती 31 जानेवारी 2027 पर्यंत किंवा पुढील आदेश येईपर्यंत लागू राहील. तसेच, पुढील वर्षी जानेवारी महिन्यात नियमित खंडपीठासमोर या प्रकरणाची सुनावणी होईल, असेही न्यायालयाने नमूद केले आहे.
साई पल्लवीचा नवा अवतार, खाकीचा जबरदस्त दरारा! ‘ओम: चैप्टर 1’ मध्ये आईपीएस नित्या रेड्डीची झलक-
पुढील सुनावणी जानेवारी 2027 मध्ये होणार
उच्च न्यायालयाने प्रतिवादींना आदेश मिळाल्यापासून चार आठवड्यांच्या आत आपली प्रतिज्ञापत्रे दाखल करण्याचे निर्देश दिले आहेत. त्यानंतर, अदानी एंटरप्रायझेस लिमिटेडला दोन आठवड्यांच्या आत उत्तर-प्रतिज्ञापत्र दाखल करावे लागेल. हे प्रकरण जानेवारी 2027 च्या मासिक सुनावणी सूचीनुसार नियमित खंडपीठासमोर ठेवले जाईल. दरम्यान, 31 जानेवारी 2027 पर्यंत किंवा न्यायालयाचे पुढील आदेश येईपर्यंत ही स्थगिती कायम राहील.