Union Budget 2024 : आज देशाचा अर्थसंकल्प सादर होत असून त्यामध्ये (Union Budget ) महिलांच्या वाट्याला काय आलं हा प्रश्न सर्वांनाच पडलेला पाहायला मिळाला. यामध्ये महिलांसाठी स्टॅम्प ड्युटीमध्ये बदल करण्यात येणार असल्याचं अर्थमंत्री निर्मला सीतारामण यांनी सांगितलं. त्या लोकसभेत एनडीए सरकारचा अर्थसंकल्प सादर करत आहेत.
अर्थसंकल्पात तरुणांसाठी 2 लाख कोटींची तरतूद, अर्थमंत्री निर्माला सीतारामन यांची घोषणा
महिलांसाठी स्टॅम्प ड्युटीमध्ये बदल करण्यात येणार असल्याची घोषणा अर्थमंत्री निर्मला सीताराण यांनी केली. त्यांनी यामध्ये शहरी आवास योजनेसाठी दहा कोटी रुपयांची तरतूद करण्यात आल्याचं सांगितलं. तसंच, 63 हजार गावात उन्नत योजना, आसाम राज्याला पूर व्यवस्थापनासाठी आर्थिक सहाय्य तसंच, देशातील पाच कोटी आदिवासी बांधवांच्या विकासाचं उदिष्ट्य ठेवल्याचं सांगितलं.
काही राज्यांमध्ये नोंदणीकृत मालमत्तेच्या मूल्यावर आधारित मुद्रांक शुल्काचा सपाट दर असतो, तर काही राज्यांमध्ये स्लॅब यंत्रणेवर काम करणारे दर असतात ज्यात खरेदी केल्या जाणाऱ्या मालमत्तेच्या मूल्यानुसार दर वाढतात. अनेक ईशान्येकडील राज्ये आणि काही डोंगरी राज्ये तुलनेने जास्त मुद्रांक शुल्क आकारतात. हे आठ-नऊ टक्क्यांच्या मर्यादेत आहे, तर महाराष्ट्रासारख्या प्रमुख गृहनिर्माण बाजारांमध्ये सुमारे सहा टक्के शुल्क आकारले जाते. ते आता 20 लाख रुपये करण्यात आलं आहे.
काही राज्यांमध्ये आधीच महिलांसाठी सवलतीच्या मुद्रांक शुल्क दर किंवा सूट आहेत. महाराष्ट्रामध्ये २०२१ मध्ये महिलांनी खरेदी केलेल्या मालमत्तेसाठी मुद्रांक शुल्कात एक टक्का कपात करण्याची घोषणा केली. तथापि, असेही म्हटले होते की खरेदी केलेली मालमत्ता 15 वर्षांपर्यंत कोणत्याही पुरुषाला विकली जाऊ शकत नाही, कोणी लॉक-इन कालावधीकडे दुर्लक्ष केल्यास दंड आणि 1 टक्के कपात भरावी लागेल. मात्र, गेल्या वर्षी ही तरतूद काढून टाकण्यात आली.
