Jagdish Mulik Vs Nana Patole : काँगेसचे राज्यसभा खासदार इम्रान प्रतापगढी यांचे कुख्यात गँगस्टर अतिक अहमद यांचे संबंध ही काँग्रेसची मानसिकता दाखवण्यासाठी पुरेशी असून सतत तोंडाच्या वाफा टाकणाऱ्या काँगेसचे प्रदेशाध्यक्ष नाना पटोले यावर काही बोलणार आहे की नाही, असा टोला भाजपचे पुणे शहराध्यक्ष जगदीश मुळीक यांनी लगावला आहे.
क्रूरकर्मा अतिक अहमद असो नाहीतर भारतमातेचा दुष्मन यासिन मलिक…
लांगुलचालनासाठी काँग्रेसने कायम देशाच्या दुष्मनांना साथ दिलीय, ही वस्तुस्थिती आहे.
महाराष्ट्रातून नुकतेच राज्यसभेवर निवडून दिलेले खासदार इम्रान प्रतापगडी यांचे आणि अतीतचे संबंध काँग्रेसची मानसिकता दाखवण्यासाठी… pic.twitter.com/Ih1KHZ6XW2
— Jagdish Mulik (@jagdishmulikbjp) April 16, 2023
महाराष्ट्रातून काँग्रेसच्या तिकिटावर राज्यसभेवर गेलेले खासदार इम्रान प्रतापगढी यांचे आणि कुख्यात गँगस्टर अतिक अहमद यांचे संबंध काय आहेत, असे ट्विट करत जगदीश मुळीक यांनी नाना पटोले यांना डिवचले आहे.
जगदीश मुळीक यांनी अतिक अहमद, अश्रफ अहमद आणि इम्रान प्रतापगढी यांचा भेटीचा फोटो ट्विट करत नाना पटोले यांच्यावर निशाणा साधत जगदीश मुळीक म्हणतात की, सतत तोंडाच्या वाफा टाकणाऱ्या नाना पटोले यांचे आता यावर नेमकं काय म्हणणे आहे.
क्रूरकर्मा अतिक अहमद असो की भारतमातेचा दुष्मन यासिन मलिक असो. या सर्वांच्या लांगूलचालनासाठी काँगेसने कायमच देशाच्या दुष्मनांना साथ दिल्याचा इतिहास आहे, अशी टीका देखील यावेळी जगदीश मुळीक यांनी नाना पटोलेंवर केली.
