ग्रामीण पुण्यात सीएनजी महागणार! टोरेंट गॅस कंपनीचा दरवाढीचा निर्णय; प्रतिकिलोला किती रुपये मोजावे लागणार?

Torrent Gas CNG Price Hike in Rural Pune : टोरेंट गॅस कंपनीने ग्रामीण पुण्यात सीएनजीच्या दरात प्रतिकिलो एक रुपयाची वाढ करण्याचा निर्णय घेतला.

News Photo   2026 11 16T205009.949

Torrent Gas CNG Price Hike in Rural Pune

Torrent Gas CNG Price Hike in Rural Pune : पुणे जिल्ह्याच्या ग्रामीण भागातील सीएनजी (CNG) ग्राहकांसाठी महत्त्वाची बातमी समोर आली आहे. टोरेंट गॅस कंपनीने सीएनजीच्या दरात प्रतिकिलो एक रुपयाने वाढ करण्याचा निर्णय घेतला आहे. त्यामुळे ग्रामीण पुण्यात सीएनजीचा दर आता 101.50 रुपये प्रतिकिलो होणार आहे. ही दरवाढ 16 नोव्हेंबरच्या मध्यरात्रीपासून म्हणजेच 17 नोव्हेंबर 2026 रोजी रात्री 12 वाजल्यापासून लागू होणार आहे. पेट्रोल डीलर्स असोसिएशन, पुणे यांच्याकडून या दरवाढीची माहिती देण्यात आली आहे.

टोरेंट गॅस कंपनीकडून करण्यात आलेली ही दरवाढ पुणे जिल्ह्याच्या ग्रामीण भागातील कंपनीच्या सीएनजी वितरण क्षेत्रासाठी लागू असेल. सुधारित दर लागू करण्यासाठी कंपनीचे कर्मचारी संबंधित सीएनजी पंपांना भेट देणार आहेत. पंपांवरील दर बदलण्याची प्रक्रिया पूर्ण केल्यानंतर ग्राहकांना नव्या दराने सीएनजी खरेदी करावा लागणार आहे. त्यामुळे ग्रामीण पुण्यातील टोरेंट गॅसच्या सीएनजी पंपांवर अवलंबून असलेल्या वाहनधारकांनी या बदलाची नोंद घेणे आवश्यक आहे.

Letsupp दिवाळी अंक २०२६ महाराष्ट्रात कुठेही मागवण्यासाठी या लिंकवर क्लिक करा.

या दरवाढीचा परिणाम प्रामुख्याने सीएनजीवर धावणाऱ्या रिक्षा, टॅक्सी, कॅब आणि खासगी वाहनधारकांवर होणार आहे. दररोज प्रवासी वाहतूक करणाऱ्या व्यावसायिक वाहनचालकांना आता प्रत्येक किलोमागे एक रुपया अधिक मोजावा लागणार आहे. इंधन खर्चात होणारी ही वाढ त्यांच्या दैनंदिन खर्चाच्या गणितावर परिणाम करू शकते. विशेषतः ग्रामीण भागातून पुणे शहरात ये-जा करणाऱ्या वाहनधारकांना या दरवाढीचा अतिरिक्त भार सहन करावा लागणार आहे.

दरम्यान, पुणे शहर आणि पिंपरी-चिंचवड परिसरात महाराष्ट्र नॅचरल गॅस लिमिटेड (MNGL) मार्फतही सीएनजी पुरवठा केला जातो. मात्र, टोरेंट गॅसचा हा दरवाढीचा निर्णय ग्रामीण पुण्यातील कंपनीच्या वितरण क्षेत्रासाठी असून, तो MNGL च्या सर्व सीएनजी पंपांना लागू असल्याचे समजू नये. त्यामुळे ग्राहकांनी आपल्या परिसरातील संबंधित कंपनीच्या पंपावर लागू असलेला दर तपासून सीएनजी भरावा.

Exit mobile version