पीसीसीआयच्या वतीने पुण्यात भारत-जपान बिजनेस मीटचे आयोजन

India Japan Buisness Meet In Pune : प्रोग्रेसिव्ह कौन्सिल ऑफ कॉमर्स अँड इंडस्ट्री (PCCI) यांच्या वतीने भारत-जपान बिझनेस मीटचे आयोजन शनिवार, 29 नोव्हेंबर रोजी दुपारी 3.30 ते रात्री 10 वाजेपर्यंत पुण्यातील (Pune) क्राउन प्लाझा येथे करण्यात येणार आहे. तसेच यावेळी उद्योन्मुख उद्योजकांसाठी प्रोग्रेसिव्ह कौन्सिल ऑफ कॉमर्स अँड इंडस्ट्रीज (पीसीसीआय)चा शुभारंभ ही करण्यात येईल. अशी माहिती पीसीसीआयचे अध्यक्ष, लॉर्ड बुद्धा फायनान्स लिमिटेडचे व्यवस्थापकीय संचालक आणि एम्पेरिया बिल्टकॉनचे व्यवस्थापकीय भागीदार डॉ. भगवान गवई यांनी पत्रकार परिषदेत दिली.

यावेळी पीसीसीआयचे संचालक आणि क्रिपॉन एज्युटेक प्रायव्हेट लिमिटेड, पुणेचे संस्थापक सीईओ प्रा. दीपक बागडे, एलबीएमआयएफएल, एलबीएफएल आणि पीसीसीआयचे संचालक अ‍ॅड. ओमप्रकाश मौर्य, पीसीसीआय आणि व्यावसायिक महिला, पुणेच्या संचालिका विशाखा गायकवाड उपस्थित होत्या.

या परिषदेला टोकियो (TOKIO) येथील व्हानेज लिमिटेडचे सीईओ डॉ. प्रमोद वाहने हे भारत-जपान (India-Japan) व्यावसायिक सहकार्यावर मुख्य भाषण देतील. तसेच टोकियो येथील ग्रीन रिन्यूएबल एनर्जी इंकचे सीईओ एन.डोवाकी हे विशेष अतिथि म्हणून उपस्थित राहणार आहेत. 10 राज्यातील 45 जिल्ह्यांमध्ये पसरलेल्या 45 दिवसीय आर्थिक सशक्तिकरण अभियानाची माहिती ही येथे देण्यात येणार आहे.

ही शिखर परिषद बिल्डिंग ब्रिजेस इंडिया-जपान बिझनेस कोलॅबोरेशन या थीम वर आधारित असून तंत्रज्ञान, गुंतवणुक आणि नवोन्मेषामध्ये शाश्वत भागीदारी निर्माण करण्यासाठी दोन्ही राष्ट्रांच्या व्यावसायिक नेत्यांना एकत्र आणणार आहे. परिषदेत शाश्वत भागीदारीवर तज्ञ पॅनेलबरोबर चर्चा करण्यात येईल. त्याचप्रमाणे शाश्वत भागीदारीतील दहा उद्योजकांचे स्टार्टअप प्रदर्शन आणि हरित ऊर्जा, आरोग्य सेवा, कौशल्य विकास आणि महिला उद्योजकतेवरील सत्रांचा समावेश आहे.

यावेळी प्रोग्रेसिव्ह कौन्सिल ऑफ कॉमर्स अँड इंडस्ट्री (PCCI) उदयोन्मुख उद्योजकांसाठी एक व्यासपीठ उपलब्ध करणे, लॉर्ड बुद्धा फायनान्स लिमिटेड (LBFL) ग्रामीण आणि अर्ध-शहरी भांडवली गरजा पूर्ण करणारी प्रस्तावित (एनबीएफसी) आणि होम बेठे डिजिटल व्यापार संधीसाठी ई कॉमर्स प्लॅटफॉर्म उपलब्ध करुन देण्यात येणार आहे.