IPL 2023 GT vs MI Qualifier 2: इंडियन प्रीमियर लीग (IPL 2023) मध्ये आज (26 मे) क्वालिफायर-2 सामना हार्दिक पंड्याच्या गुजरात टायटन्स आणि रोहित शर्माच्या मुंबई इंडियन्स यांच्यात होणार आहे. अहमदाबादच्या नरेंद्र मोदी स्टेडियमवर हा सामना होणार आहे.
हा सामना जो संघ जिंकेल, त्याला 28 मे रोजी IPL फायनलचे तिकीट मिळेल. रोहित शर्मा किंवा हार्दिक पंड्याचा संघ एमएस धोनीच्या चेन्नई सुपर किंग्जशी भिडणार आहे. चेन्नईच्या चेपॉक स्टेडियमवर हार्दिक पंड्या आणि कंपनीचा पराभव झाला. आता ते क्वालिफायर-2 मुंबईसोबत खेळणार. दुसरीकडे, रोहित शर्माच्या नेतृत्वाखाली मुंबईने एलिमिनेटर सामन्यात लखनौचा 81 धावांनी धुव्वा उडवला. या सामन्यात आकाश मधवालने 3.3 षटकात 5 धावा देत 5 बळी घेतले.
पाऊस पडला तर?
जर मुंबई इंडियन्स आणि गुजरात टायटन्स यांच्यातील सामना पावसामुळे रद्द झाला तर गुजरात टायटन्स न खेळता अंतिम फेरीत पोहोचेल. आयपीएलच्या गुणतालिकेत गुजरातचा संघ अव्वल स्थानावर होता. गुजरातने 14 पैकी 10 सामने जिंकले, 20 गुण होते, अशा प्रकारे गुजरातने 0.809 च्या निव्वळ धावगतीने स्थान मिळवले.
त्याच वेळी, मुंबईने -0.044 निव्वळ धावगतीने 14 सामन्यांत 16 गुणांसह प्लेऑफमध्ये स्थान निश्चित केले. या संदर्भात गुजरातचा संघ अंतिम फेरीत पोहोचेल. हाच नियम आयपीएल प्लेऑफमध्ये लागू होतो कारण राखीव दिवसाची तरतूद नाही.
चेन्नईचे फायनलसाठी ‘घातक’ अस्त्र तयार, प्रत्येक मोठ्या सामन्यात दाखवतोय ताकद
असे आहे अहमदाबादचे हवामान…
आयएमडी वेबसाइटवर अहमदाबादच्या हवामानाविषयीच्या अपडेटमध्ये, किमान तापमान 28 अंश सेल्सिअस राहील, तर कमाल तापमान 42 अंश सेल्सिअस राहण्याची अपेक्षा आहे. आकाश पूर्णपणे निरभ्र होईल. अशा परिस्थितीत गुजरात आणि मुंबई यांच्यात चुरशीची स्पर्धा होणार आहे, ही क्रिकेट चाहत्यांसाठी आनंदाची बातमी आहे.
हे प्लेऑफ सामन्यांचे नियम आहेत
आयपीएल खेळण्याच्या परिस्थितीनुसार, अंतिम, एलिमिनेटर, क्वालिफायर 1 किंवा क्वालिफायर 2 मधील कोणताही सामना बरोबरीत असल्यास. निकाल न लागल्यास हे नियम लागू होतील.
