world cup 2023 : आयसीसी एकदिवसीय विश्वचषकमध्ये टीम इंडियाचा पहिला सामना ऑस्ट्रेलियाशी (IND vs AUS) होणार आहे. या सामन्यासाठी दोन्ही संघ चेन्नईच्या एमए चिदंबरम स्टेडियमवर (MA Chidambaram Stadium) उतरतील. पहिला सामना जिंकून टीम इंडिया स्पर्धेत विजयी सुरुवात करण्याचा प्रयत्न करेल.
विश्वचषकापूर्वी दोन्ही संघांत तीन सामन्यांची एकदिवसीय मालिका खेळवली होती. ही मालिका भारतीय संघाने 2-1 ने जिंकली होती. मात्र, आता हे दोन्ही संघ नव्या दमाने विश्वचषकात मैदानात उतरणार आहेत. मात्र, त्याआधी चेन्नईची खेळपट्टी कशी आहे ते पाहूया…
एमए चिदंबरम स्टेडियमच्या खेळपट्टीवर कोणत्याही संघासाठी फलंदाजी करणे सोपे राहिलेले नाही. येथील खेळपट्टी बऱ्यापैकी संतुलित मानली जाते. हे फलंदाज आणि गोलंदाज दोघांनाही मदत करते. विकेटबद्दल बोलायचे तर ते कोरडे राहण्याची शक्यता आहे. यामुळे फिरकीपटूंना खूप मदत मिळते. मात्र, जसजसा सामना पुढे सरकतो तसतशी विकेट थोडी संथ होते आणि फलंदाजांना फटके मारणे फार कठीण होते.
Asian Games 2023 : चिराग-सात्विक जोडीने केला पराक्रम, बॅडमिंटन स्पर्धेत पटकावलं सुवर्णपदक
अशा स्थितीत या खेळपट्टीवर नाणेफेक जिंकणाऱ्या संघाची पहिली पसंती फलंदाजी असणार आहे. एकदिवसीय सामन्यांच्या रेकॉर्डवर नजर टाकली तर या मैदानावर एकूण 22 सामने खेळले गेले आहेत. टीम इंडियाने येथे 7 सामने जिंकले आहेत आणि तेवढेच सामने गमावले आहेत.
Asian Games 2023: भारताने क्रिकेटमध्ये जिंकले सुवर्णपदक
सामना किती वाजता सुरू होईल
भारत आणि ऑस्ट्रेलिया यांच्यातील विश्वचषकातील पहिला सामना उद्या रविवारी होणार आहे. या स्पर्धेतील हा पाचवा सामना असेल. या सामन्यासाठी नाणेफेक दुपारी 1.30 आहे तर खेळ दुपारी 2 वाजता सुरू होईल.
