Virat Kohali : भारत आणि वेस्ट इंडिज यांच्यातील 3 वनडे मालिकेतील दुसरा सामना बार्बाडोस येथे खेळला गेला. या सामन्यात टीम इंडियाला पराभवाचा सामना करावा लागला होता. खरंतर, विराट कोहली आणि रोहित शर्मा या सामन्यात भारतीय प्लेइंग इलेव्हनचा भाग नव्हते. मात्र विराट कोहलीचा एक व्हिडिओ सोशल मीडियावर मोठ्या प्रमाणात व्हायरल होत आहे. विराट कोहलीने बार्बाडोसमध्ये चाहत्यांची भेट घेतली. यादरम्यान एका चाहत्याने विराट कोहलीला ब्रेसलेट भेट दिले. (indian cricket team player virat kohli with fans ind vs wi viral)
जेव्हा चाहत्याने विराट कोहलीला ब्रेसलेट भेट दिली...
बीसीसीआयने आपल्या अधिकृत सोशल मीडिया हँडलवरून विराट कोहलीचा व्हिडिओ शेअर केला आहे. या व्हिडिओमध्ये विराट कोहली चाहत्यांसोबत दिसत आहे. विराट कोहलीसोबत सेल्फी काढण्याची क्रिकेट चाहत्यांमध्ये क्रेझ पाहायला मिळत आहे. याशिवाय एका चाहत्याने त्याच्या आवडत्या क्रिकेटरला ब्रेसलेट भेट दिले. तसेच विराट कोहलीने ब्रेसलेट घेतल्यानंतर ते घालण्याचा प्रयत्न केला.
Fan gestures like these 🤗
Autographs and selfies ft. #TeamIndia Captain @ImRo45, @imVkohli & @surya_14kumar ✍️
Cricket fans here in Barbados also gifted a bracelet made for Virat Kohli 👌👌#WIvIND pic.twitter.com/Qi551VYfs4
— BCCI (@BCCI) July 30, 2023
व्हिडिओ सोशल मीडियावर व्हायरल झाला
मात्र, हा व्हिडिओ सोशल मीडियावर मोठ्या प्रमाणात व्हायरल होत आहे. याशिवाय सोशल मीडिया वापरकर्ते सतत त्यांच्या प्रतिक्रिया देत आहेत. दुसरीकडे, भारत आणि वेस्ट इंडिज यांच्यातील दुसऱ्या एकदिवसीय सामन्यात हार्दिक पांड्याच्या नेतृत्वाखालील टीम इंडियाला 6 विकेट्सने पराभव स्वीकारावा लागला. अशाप्रकारे 3 वनडेची मालिका 1-1 अशी बरोबरीत आली आहे. भारताने पहिल्या एकदिवसीय सामन्यात यजमान वेस्ट इंडिजचा 5 विकेट्सने पराभव केला.
