WC Qualifiers 2023: नेदरलँड्स 2023 मध्ये भारतात खेळल्या जाणाऱ्या एकदिवसीय विश्वचषकासाठी पात्र ठरला आहे. नेदरलँड्स विश्वचषकासाठी पात्र ठरणारा 10 वा संघ ठरला आहे. नेदरलँड्सने विश्वचषक पात्रता फेरीच्या सुपर-6 टप्प्यात स्कॉटलंडचा 4 विकेट्सने पराभव करून हे स्थान मिळवले. या सामन्यात प्रथम फलंदाजी करताना स्कॉटलंडने 50 षटकात 9 गडी गमावून 277 धावा केल्या. (Netherlands Become The 10th Team To Qualify For World Cup 2023 After Defeating Scotland In Wc Qualifiers)
धावांचा पाठलाग करताना नेदरलँड्सने 42.5 षटकांत 6 गडी गमावून लक्ष्य गाठले. संघासाठी, बस दी लीडने 133.70 च्या स्ट्राइक रेटने फलंदाजी करताना 92 चेंडूत 123 धावांची सर्वात मोठी खेळी केली. त्याच्या खेळीत 7 चौकार आणि 5 षटकारांचा समावेश होता.
सुरुवातीपासूनच नेदरलँडची सामन्यावर पकड दिसली
धावांचा पाठलाग करताना नेदरलँड्सकडून सलामीला आलेल्या विक्रमजीत सिंगने 6 चौकारांच्या मदतीने 40 धावा करत संघाला चांगली सुरुवात करून दिली. यानंतर चौथ्या क्रमांकावर फलंदाजी करताना बस डी लीडने आपल्या शतकी खेळीच्या जोरावर संघाचा विजयाचा मार्ग सुकर केला.
Rocky Aur Rani Ki Prem Kahani चं पहिलं गाणं रिलीज; अल्पावधीतच प्रेक्षकांचा भरभरून प्रतिसाद
याशिवाय दुसरा सलामीवीर मॅक्स ओ’डाऊडने संघाच्या धावसंख्येत 20 धावांची भर घातली. तिसऱ्या क्रमांकावर फलंदाजी करताना वेस्ली बॅरेसीने 11 धावांची खेळी केली. त्याचवेळी, साकिब झुल्फिकारने 3 चौकार आणि 1 षटकाराच्या मदतीने 33*, कर्णधार स्कॉट एडवर्ड्सने 3 चौकारांच्या मदतीने 25 आणि तेजा निदानुरूने 10 धावा केल्या. त्याचवेळी व्हॅन बीक 1 धावावर नाबाद राहिला.
अशी होती नेदरलँडची गोलंदाजी
नेदरलँड संघाने नाणेफेक जिंकून प्रथम गोलंदाजी करण्याचा निर्णय घेतला आणि संघाचे गोलंदाज कर्णधाराच्या निर्णयावर ठाम राहिले. संघाच्या वतीने गोलंदाजी करताना बास दी लीडने 10 षटकांत 52 धावा देत 5 बळी घेतले. याशिवाय रायन क्लेनला 2 आणि व्हॅन बीकला 1 बळी मिळाला. सामन्यातील उत्कृष्ट अष्टपैलू कामगिरीमुळे बास डी लीडेला सामनावीराचा किताब देण्यात आला.
विश्वचषकासाठी अंतिम 10 संघ
नेदरलँडच्या विजयानंतर 2023 च्या विश्वचषक स्पर्धेसाठी 10 संघ पूर्ण झाले आहेत. पहिले 8 संघ थेट विश्वचषकासाठी पात्र ठरले होते. यानंतर, दोन संघांसाठी क्वालिफायर सामने खेळले गेले, ज्यामध्ये श्रीलंका आणि नेदरलँड्स पात्र ठरले आणि विश्वचषकात स्थान मिळवले. आता या स्पर्धेसाठी भारत, ऑस्ट्रेलिया, बांगलादेश, पाकिस्तान, इंग्लंड, न्यूझीलंड, अफगाणिस्तान, दक्षिण आफ्रिका, श्रीलंका आणि नेदरलँडसह एकूण 10 संघ निश्चित झाले आहेत.
