भारताचा अनुभवी फलंदाज विराट कोहली याने मायदेशात (Virat Kohli) दक्षिण आफ्रिकेविरुद्धच्या एकदिवसीय मालिकेची धमाकेदार सुरुवात केली आहे. विराटने रांचीतील जेएससीए इंटरनॅशनल स्टेडियममध्ये वादळी अर्धशतक झळकावलं आहे. विराटने 102 बॉलमध्ये हे शतक पूर्ण केलं. विराटच्या एकदिवसीय कारकीर्दीतील हे 52 वं शतक ठरलं.
विराटला या खेळीचं आणखी मोठ्या आकड्यात रुपांतर करण्याची संधी आहे. विराटला वनडे करियरमध्ये द्विशतक करता आलेलं नाही. त्यामुळे विराटला द्विशतक करण्याची ही मोठी संधी आहे. त्यामुळे विराट शतकानंतर आता आणखी किती धावा जोडणार? याची चाहत्यांना प्रतिक्षा लागून आहे.
विराट-रोहितला केलं बाजूला! दक्षिण आफ्रिकेविरुद्धच्या सीरिजसाठी संघ जाहीर, कर्णधार कोण?
ऑस्ट्रेलिया दौऱ्यावर वनडे मालिकेतून आंतरराष्ट्रीय क्रिकेटमध्ये पुनरागमन करणाऱ्या कोहलीसाठी तो दौरा काही खास ठरला नव्हता. पण रांचीतील JSCA स्टेडियमवर मात्र विराट कोहलीने शतक झळकावलं. या मैदानावर आधीच दोन शतके झळकावलेल्या कोहलीने आपल्या शानदार रेकॉर्डला पुढे नेत येथे तिसरं शतक ठोकले.
विराट कोहलीच्या कारकिर्दीतील हे त्याचे 52 वे एकदिवसीय शतक आणि एकूण 83 वे आंतरराष्ट्रीय शतक होते. यासह त्याने सचिन तेंडुलकरचा क्रिकेटच्या एकाच स्वरूपात सर्वाधिक शतकांचा विक्रम मोडला. सचिनने कसोटी क्रिकेटमध्ये 51 शतके झळकावली होती. विराट कोहलीने 102 चेंडूत चौकार मारून आपले शतक पूर्ण केले. या डावाच्या सुरुवातीपासूनच तो आक्रमक खेळला.
विराट कोहलीच्या सेलिब्रेशन वेळी नेमकं काय घडलं?
विराट कोहलीने जॅन्सनचा चेंडू थर्डमनकडे खेळत शतक पूर्ण केले आणि हेल्मेट काढून गळ्यातील अंगठीला किस करून सेलिब्रेशन करत असतानाच अचानक एक चाहता सुरक्षा भेदून थेट मैदानात घुसला. क्षणात धावत आलेल्या त्या चाहत्याने कोहलीच्या पायाशी नतमस्तक झाला. संपूर्ण घटना इतक्या वेगाने घडली की सुरक्षा रक्षक काही क्षणांसाठी अवाक् झाले. मात्र त्यांनी तात्काळ परिस्थिती नियंत्रणात घेत त्या चाहत्याला मैदानाबाहेर नेलं.
52nd century for Virat Kohli! 🔥
The King does it again vs South Africa — and a fan even touched his feet to honour the milestone.
Legends don’t just play, they inspire devotion. 👑🇮🇳 #ViratKohli #KingKohli #INDvSA pic.twitter.com/m0QdYqOqrS— Awkward News (@AwkwardNeuz) November 30, 2025
