Narayan Rane Challenges Uddhav Thackeray : राज्यात विधानसभा निवडणुकीत प्रचार शिगेला पोहोचला आहे. आरोप प्रत्यारोप आणि आव्हानांची भाषा सुरू आहे. काल मालवण येथे महाविकास आघाडीचे उमेदवारांच्या प्रचारासाठी उद्धव ठाकरेंनी (Uddhav Thackeray) जाहीर सभा घेतली. यावेळी त्यांनी राणेंवर घणाघाती टीका केली होती. त्यानंतर आता खासदार नारायण राणे यांनी उद्धव ठाकरेंना तिखट शब्दांत आव्हान दिलं आहे. एवढीच हौस असेल तर एक दिवस संरक्षण काढून इथे या असा इशारा नारायण राणे यांनी दिला.
महायुतीचे उमेदवार निलेश राणे यांच्या प्रचारासाठी नारायण राणेंनी (Narayan Rane) मालवणात प्रचार सभा घेतली. या सभेत त्यांनी उद्धव ठाकरेंना थेट इशारा दिला. यावेळी उद्योगमंत्री उदय सामंत उपस्थित होते. केवळ बाळासाहेबांना दिलेल्या शब्दामुळे हा माणूस वाचतो. एवढीच हौस असेल तर एक दिवस संरक्षण काढून इथे या असा इशारा नारायण राणे यांनी दिला.
याआधी उद्धव ठाकरे यांनी आमदार वैभव नाईक यांच्या प्रचारासाठी प्रचारसभा घेतली. या सभेत त्यांनी राणे पिता पुत्रांवर जोरदार हल्लाबोल केला. हिंदुत्व आणि मराठी माणसांसाठी लढणाऱ्या ठाकरे कुटुंबाची घराणेशाही चालत नाही. मग कोकणावर गुंडगिरी करणाऱ्या राणे कुटुंबाची घराणेशाही कशी चालते असा सवाल उद्धव ठाकरे यांनी या सभेत विचारला होता.
Uddhav Thackeray : विधानसभेसाठी ठाकरेही तयार, या उमेदवारांना थेट एबी फॉर्मचं वाटप
