The Raja Saab shooting continues without Prabhas: दिग्दर्शक मारुती सध्या त्याचा पुढचा मोठा चित्रपट ‘द राजा साब’च्या (The Raja Saab ) शूटिंगमध्ये व्यस्त आहे. प्रभास (Prabhas) या चित्रपटाचा मुख्य नायक असून त्याच्याशिवाय सिनेमाचे शूटिंग सुरू आहे. या चित्रपटात प्रभाससोबत मालविका मोहनन (Malvika Mohanan) आणि निधी अग्रवाल मुख्य भूमिकेत दिसणार आहेत. ताज्या माहितीनुसार, ‘द राजा साब’चे नवीन शूटिंग शेड्यूल सध्या सुरू आहे. निर्माते सध्या फक्त तेच शूट करत आहेत, ज्यामध्ये प्रभासची (Prabhas) एन्ट्री नाहीय.
एकीकडे, सुपरस्टार प्रभास ‘कल्की 2898 एडी’ला मिळत असलेल्या प्रतिसादाचा आनंद घेत आहे. त्याच्या आगामी चित्रपटांबाबत रोज नवनवीन अपडेट्स समोर येत आहेत. प्रभासकडे सध्या मोठमोठ्या चित्रपटांची रांग लागली आहे, ज्यावर त्याला एकामागून एक काम करावे लागणार आहे. काही चित्रपटांच्या शूटिंगला सुरुवात झाली आहे, तर काही चित्रपटांवर तो लवकरच काम सुरू करणार आहे. दरम्यान, त्याच्या 100 कोटी रुपयांच्या ‘द राजा साब’बाबत एक मोठी माहिती समोर आली आहे.
‘द राजा साब’ 2025 मध्ये रिलीज होणार
जुलै महिन्याच्या अखेरीस प्रभास पुन्हा या चित्रपटाच्या शूटिंगमध्ये सहभागी होणार असल्याचे सांगितले जात आहे. हा चित्रपट 2025 मध्ये प्रदर्शित करण्याचा विचार आहे. प्रभासच्या या फोटोबद्दल चाहते खूप उत्सुक आहेत. पॅन इंडियाचा स्टार प्रभाससोबत बॉलिवूड अभिनेता संजय दत्तही ‘द राजा साब’मध्ये जबरदस्त भूमिकेत दिसणार आहे. संजय दत्तने साऊथ इंडस्ट्रीत चांगलीच पकड निर्माण केली आहे.
Prabhas: प्रभासच्या ‘कल्की 2898 एडी’ ला पहिला पुरस्कार जाहीर; नाग अश्विनने फोटो शेअर करत दाखवली झलक
प्रभासच्या खात्यात अनेक मोठे चित्रपट
प्रभासच्या खात्यात सध्या अनेक मोठे चित्रपट आहेत, ज्यात ‘द राजा साब’ व्यतिरिक्त ‘सालार 2’, ‘स्पिरिट’, ‘कनप्पा’ आणि ‘कल्की’चे सिक्वेल देखील आहेत. ‘द राजा साब’नंतर प्रभास लगेचच संदीप रेड्डी वंगासोबत ‘स्पिरिट’मध्ये काम करण्यास सुरुवात करणार आहे. दिग्दर्शकही प्रभाससोबत हा चित्रपट सुरू करण्याची वाट पाहत आहेत. ॲनिमलच्या मोठ्या यशानंतर, संदीप रेड्डी वंगा यांचा पुढचा चित्रपट मोठ्या पडद्यावर पाहण्यासाठी चाहते खूप उत्सुक आहेत.
