Film Studios Demolishes: बृहन्मुंबई महानगरपालिकेने (BMC) शुक्रवारी मढ-मार्वे (Madh-Marve) परिसरात बेकायदेशीरपणे बांधलेला फिल्म स्टुडिओ (Film Studio) पाडला आहे. न्यायालयाच्या आदेशानंतर बेकायदा मालमत्ता पाडण्यासाठी बुलडोझरचा वापर करण्यात आला. त्याचा व्हिडिओही सोशल मीडियावर व्हायरल झाला आहे.
राष्ट्रीय हरित न्यायाधिकरणाने (NGT) बेकायदेशीर ठरवून दिलेल्या आदेशानंतर बृहन्मुंबई महानगरपालिकेने (बीएमसी) शुक्रवारी मुंबईतील मढ-मार्वे भागातील चित्रपट स्टुडिओ पाडण्यास सुरुवात केली. या स्टुडिओने परवानग्यांचा गैरवापर करून तात्पुरत्या इमारतींऐवजी कायमस्वरूपी बांधकामे केली होती.
#WATCH | BMC action against "illegally built" film studios in Madh area of Mumbai following court orders pic.twitter.com/Orn1k7W1j4
— ANI (@ANI) April 7, 2023
भाजप नेते किरीट सोमय्या यांनी बीएमसी आयुक्त इक्बाल सिंह चहल यांच्यावर मोठा आरोप केला आहे. इक्बाल सिंह चहल यांना बांधकामे बेकायदेशीर असल्याचे माहित होते, परंतु त्यांनी कोणतीही कारवाई केली नाही. उद्धव ठाकरे यांच्या नेतृत्वाखालील महाविकास आघाडी (एमव्हीए) सरकारने तात्पुरत्या बांधकामांच्या नावाखाली बेकायदेशीर परवानग्या दिल्याचा आरोप त्यांनी केला आहे. “आम्ही कोर्टात जाऊन बेकायदा बांधकामांना परवानगी कशी दिली, असा सवाल बीएमसीला केला. मी मुख्यमंत्री आणि उपमुख्यमंत्र्यांना याबाबत चौकशीचे आदेश देण्याची विनंती केली आहे.
वाहनधारकांसाठी खुशखबर: सीएनजी आणि पीएनजीच्या दरात मोठी घट
एनजीटीने आपल्या आदेशात म्हटले आहे की, त्यांना असे आढळून आले की ही परवानगी केवळ तात्पुरत्या स्वरूपाची रचना उभारण्यासाठी होती. तथापि, चित्रपट स्टुडिओने प्रचंड बांधकामे उभारली होती ज्यामध्ये मोठ्या प्रमाणात स्टील आणि काँक्रीट साहित्य वापरले गेले होते.
एनजीटीने पुढं म्हटले की, “आमच्या मूल्यांकनात, अशा संरचनांचा आकार आणि वापरलेली सामग्री यावरून तात्पुरत्या स्वरूपाच्या मानल्या जाऊ शकत नाहीत.” स्टुडिओने दावा केला आहे की, पर्यावरणास अनुकूल सामग्री वापरून स्टुडिओचे बांधकाम केलं आहे. त्या तात्पुरत्या स्वरूपाच्या मानल्या पाहिजेत. आम्ही या निर्णयाशी सहमत नाही.
