Anil Kapoor On Vicky Kaushal: रिॲलिटी शो ‘बिग बॉस ओटीटी सीझन 3’ च्या (Bigg Boss OTT) वीकेंड वॉर एपिसोडची खूपच जोरदार चर्चा झाली होती. नुकताच विकी कौशल (Vicky Kaushal) त्याच्या चित्रपटाच्या प्रमोशनसाठी या शोमध्ये सहभागी झाला होता. अनिल कपूरने (Anil Kapoor) कार्यक्रमाचे सूत्रसंचालन करताना विक्कीचे तोंडभरून कौतुक केले आहे. म्हणाले की, कतरिना भाग्यवान आहे, कारण तिला तिचा नवरा विकी कौशल मिळाला आहे.
❤️ ❤️#katrinakaif #vickykaushal pic.twitter.com/RDdoBUPYAx
— Miri Miri (@KatrinauniqueD) July 8, 2024
विकी कौशल (Vicky Kaushal) सध्या त्याच्या आगामी ‘बॅड न्यूज’ (Bad News Movie) या चित्रपटामुळे जोरदार चर्चेत आहे. नुकताच तो आपल्या चित्रपटाच्या प्रमोशनसाठी बिग बॉसच्या घरात पोहोचला होता. यादरम्यान विकीने त्याच्या को-स्टारसोबत खूप मस्ती केली. विकीने जिम वर्क आऊटशी संबंधित एक मोठं रहस्यही उघड केलं आहे. त्याने सांगितले की तो आणि अनिल कपूर वर्कआउटसाठी एकाच जिममध्ये जातात.
विकी कौशलचे तोंडभरून कौतुक
नुकतच अनिल कपूरने शोदरम्यान विकीचे कौतुक करताना सांगितले की, ‘मी कतरिना कैफसोबत काम केले आहे. ती एक हुशार आणि मेहनती अभिनेत्री आहे. तुम्हा दोघांची जोडी खूप छान आहे आणि ती भाग्यवान आहे की तुम्हाला तिचा पती म्हणून मिळाला आहे.
प्रेक्षकांच्या मनात घर केलेल्या Anil Kapoor च्या ‘लव्ह स्टोरी’ ला 30 वर्षे पूर्ण
अनिल कपूरने कतरिनासोबत अनेक चित्रपटांमध्ये काम केले
अनिल कपूरने आपल्या करिअरमध्ये अनेक हिट चित्रपट दिले आहेत. यामध्ये ‘वेलकम’, ‘रेस’ आणि ‘हमको दीवाना कर गये’ अशा अनेक चित्रपटांचा समावेश आहे, ज्यामध्ये दोघांनी एकत्र स्क्रीन शेअर केली आहे.
विकी कौशलच्या आगामी चित्रपटाबद्दल बोलायचे झाले तर, ‘बॅड न्यूज’ हा एक कॉमेडी चित्रपट आहे, जो 19 जुलै रोजी थिएटरमध्ये दाखल होणार आहे. या चित्रपटात तृप्ती डिमरी, विकी कौशल आणि एमी विर्क मुख्य भूमिकेत आहेत. या चित्रपटाचे दिग्दर्शन आनंद तिवारी यांनी केले असून हिरो यश जोहर, करण जोहर, अपूर्व मेहता आणि अमृतपाल सिंग बिंद्रा यांनी सह-निर्मिती केली आहे. त्याची कथा तरूम दुडेजा आणि इशिता मोईत्रा या जोडीने लिहिली आहे.
