Ayushmann Khurrana : 2026 मध्ये प्रदर्शित होणाऱ्या तीन वेगवेगळ्या धाटणीच्या चित्रपटांसह — भूषण कुमार आणि जूनो चोप्रा यांचा ‘पति पत्नी और वो दो’, करण जोहर निर्मित ‘उडता तीर’ आणि सूरज बडजात्या यांचा ‘येह प्रेम मोल लिया’ — आयुष्मान खुराना पुन्हा एकदा आपल्या अभिनयातील वैविध्य दाखवण्यासाठी सज्ज झाला आहे. त्याची 2026 मधील ही दमदार लाइन-अप मुख्य प्रवाहातील सिनेमात विविध कथनशैलींचा शोध घेण्याच्या त्याच्या सातत्यपूर्ण प्रयत्नांची साक्ष देते, ज्यामुळे हिंदी चित्रपटसृष्टीत त्याची ‘मास्टर ऑफ डायव्हर्सिटी’ म्हणून ओळख अधिक मजबूत झाली आहे.
या लाइन-अपची खासियत फक्त वेगवेगळे प्रकार नाहीत, तर एक सातत्यपूर्ण आवाज आहे — अशा कथा ज्या सहज, प्रेक्षकांशी जोडणाऱ्या आणि दैनंदिन भावनांवर आधारित आहेत. गेल्या काही वर्षांत आयुष्मानने अशा विषयांना पाठिंबा दिला आहे जे मनोरंजन आणि नाविन्य यांच्यात संतुलन साधतात, आणि ही नवीन लाइन-अप त्याच प्रवासाला पुढे नेत आहे. ‘पति पत्नी और वो दो’ मधील हलकाफुलका, परिस्थितीजन्य विनोद असो, ‘उडता तीर’ मधील हटके आणि वेगळी कथा असो किंवा ‘येह प्रेम मोल लिया’ सारखा कुटुंबप्रधान आणि भावनिक चित्रपट — प्रत्येक चित्रपट कथनशैलीचा वेगळा पैलू आणि आयुष्मानचा वेगळा पैलू समोर आणतो. हे सर्व चित्रपट त्याच्या पुनरावृत्ती टाळण्याच्या आणि विविधतेला आपली ताकद बनवण्याच्या वृत्तीला अधोरेखित करतात.
आपल्या निवडीतील वैविध्याबद्दल बोलताना आयुष्मान खुराना म्हणतो, “मी कधीही माझ्या करिअरकडे बॉक्स टिक करण्याच्या दृष्टीने पाहिले नाही किंवा स्वतःला जाणीवपूर्वक वेगळं दाखवण्याचा प्रयत्न केला नाही. माझ्यासाठी नेहमीच हे माझ्या इन्स्टिंक्टवर आणि त्या कथांवर आधारित राहिले आहे ज्या मला प्रेक्षक म्हणून भावतात. एकाच वर्षात ‘पति पत्नी और वो दो’, ‘उडता तीर’ आणि ‘ये प्रेम मोल लिया’ सारखे तीन वेगळे चित्रपट येणं रोमांचक आहे, पण ती एक मोठी जबाबदारीही आहे. प्रत्येक चित्रपट वेगळ्या विश्वातून येतो — एक विनोद आणि नात्यांवर आधारित आहे, दुसरा अधिक हटके आहे, आणि तिसरा परंपरा आणि कुटुंबमूल्यांशी जोडलेला आहे. एक अभिनेता म्हणून हा बदल मला सतर्क ठेवतो आणि प्रत्येक वेळी स्वतःला नव्याने साकारण्यास भाग पाडतो.”
आयुष्मानने हेही नमूद केले की आजचा प्रेक्षक नवनवीन गोष्टींची अपेक्षा करतो, आणि हीच त्याची प्रेरणा आहे. तो म्हणाला, “माझा नेहमी विश्वास आहे की आजचा प्रेक्षक खूपच हुशार आहे. त्यांना एकच गोष्ट वारंवार पाहायची नसते. त्यांना आश्चर्य वाटायला हवं, आणि त्यासाठी मी सतत प्रयत्न करत असतो. त्याच वेळी, मी त्या सिनेमाशी प्रामाणिक राहू इच्छितो ज्यावर माझा विश्वास आहे — अशा कथा ज्या मनोरंजक असतात, पण काहीतरी सांगून जातात.”
तो पुढे म्हणाला,“जर या प्रवासाला ‘विविध’ म्हटलं जात असेल तर मी त्याबद्दल आभारी आहे, पण माझ्यासाठी हे नेहमीच उत्सुक राहण्याबद्दल आणि आपल्या निवडींशी प्रामाणिक राहण्याबद्दल आहे. याच गोष्टीने मला प्रेक्षकांशी नातं जोडायला मदत केली आहे आणि प्रत्येक चित्रपटासोबत हे नातं पुढे नेण्याची मी आशा करतो.”
आयुष्मान खुराना बॉक्स ऑफिसवरील आपली यशस्वी मालिका पुढे नेण्यासाठी सज्ज आहे आणि त्याला विश्वास आहे की त्याचे सर्व चित्रपट प्रेक्षकांशी नक्कीच जोडले जातील.