Yodha First Poster Released: सिद्धार्थ मल्होत्रा (Siddharth Malhotra) त्याच्या बहुप्रतिक्षित ‘योधा’ (Yodha Movie) चित्रपटामुळे बऱ्याच दिवसांपासून चर्चेत आहे. आता या चित्रपटाचे पोस्टर समोर आले आहे. ( Social Media) चित्रपटाचे हे नवे पोस्टर (Yodha First Poster) अतिशय धमाकेदार पद्धतीने रिलीज करण्यात आले आहे.
सिद्धार्थ मल्होत्रा ’योद्धा’प्रमाणे आकाशात लहरत आहे. सध्या सिद्धार्थ मल्होत्राचा एक व्हिडिओ चित्रपटाचा नायक सिद्धार्थ मल्होत्राने त्याच्या इंस्टाग्राम अकाउंटवर शेअर केला आहे. चित्रपटाचे पोस्टर आकाशात फडकवत रिलीज करण्यात आले आहे, हे व्हिडिओमध्ये पाहायला मिळत आहे. चित्रपटाचे पोस्टर दुबईमध्ये 13 हजार फूट उंचीवरून लाँच करण्यात आले आहे.
काही चाहते पोस्टर घेऊन विमानाच्या आत जात आहेत आणि नंतर पोस्टर घेऊन जाणाऱ्या विमानातून बाहेर काढून दाखवत आहेत, असे व्हिडिओमध्ये दिसत आहे. यानंतर पोस्टर उघडते आणि चित्रपटाच्या नायकाचा पहिला लूक समोर येत आहे. हिंदी चित्रपटसृष्टीत पहिल्यांदाच चित्रपटाचे पोस्टर इतक्या उंचीवरून लाँच करण्यात आले आहे.
‘या’ दिवशी चित्रपटाचा टीझर प्रदर्शित होणार: या नवीन पोस्टरसोबतच अभिनेत्याने चित्रपटाचा टीझरही जाहीर केला आहे. या चित्रपटाचा टीझर 19 फेब्रुवारीला प्रदर्शित होणार आहे. सिद्धार्थची ही पोस्ट चांगलीच व्हायरल होत आहे. पोस्टवर कमेंट्सचा वर्षाव करत आहेत. या चित्रपटाबद्दल चाहते खूप उत्सुक असल्याचे दिसत आहे. हा चित्रपट 13 मार्च रोजी थिएटरमध्ये दाखल होणार आहे.
तमन्ना भाटिया बनली ‘या’ ब्रॅण्डची ब्रॅण्ड ॲम्बेसेडर, ‘डियाताल डी’सोबत तमन्नाचं अनोखं नातं
चित्रपटाची कथा काय असणार? विमान हायजॅक करणाऱ्या दहशतवाद्यांशी लढणाऱ्या आणि विमानात उपस्थित असलेल्या सर्व प्रवाशांना सुखरूप परत आणणाऱ्या एका योद्ध्याची कथा या चित्रपटात दाखवण्यात आली आहे. या योद्ध्याच्या भूमिकेत सिद्धार्थ मल्होत्रा दिसणार असून तो एका सैनिकाच्या भूमिकेत दिसणार आहे. या चित्रपटापूर्वी सिद्धार्थने ‘शेरशाह’मध्ये सैनिकाची भूमिका साकारली होती. या चित्रपटात दिशा पटानी आणि राशि खन्ना पहिल्यांदाच सिद्धार्थ मल्होत्रासोबत स्क्रीन शेअर करताना दिसणार आहेत.
