Shahrukh Khan 59th Birthday Celebration : बॉलिवूडचा (Bollywood News) सुपरस्टार शाहरुख खान आज त्याचा 59 वा वाढदिवस साजरा करत आहे. दरवर्षी चाहते शाहरूखची एक झलक पाहण्यासाठी मुंबईतील निवासस्थानी मन्नत बाहेर (Shahrukh Khan Birthday) जमतात. यंदाही असंच दृश्य पाहायला मिळालं. काल रात्रीपासून मन्नतच्या बाहेर चाहत्यांची गर्दी झालीय. बॉलीवूडच्या बादशहाला पाहण्यासाठी आणि वाढदिवसाच्या शुभेच्छा देण्यासाठी चाहते खूप उत्सुक आहेत. बॉलिवूड स्टार्ससह जगभरातील चाहत्यांनी शाहरुख खानला वाढदिवसाच्या शुभेच्छा दिल्या आहेत.
बंडोबांचं अर्धशतक! भाजपला सर्वाधिक टेन्शन; काँग्रेसही हैराण, कुणाचं गणित बिघडणार?
शाहरुख खानच्या वाढदिवसानिमित्त चाहत्यांनी त्याच्या सर्व चित्रपटांच्या आठवणी सोशल मीडियावर शेअर केल्या आहेत. 111 हून अधिक चित्रपटांमध्ये काम करणारा शाहरुख खान आज जगातील सर्वात मोठ्या स्टार्सपैकी एक आहे. दिल्लीत 2 नोव्हेंबर 1965 मध्ये शाहरुख खानचा जन्म झाला (Shahrukh Khan News) होता. शाहरुख खानने दिल्लीतून शिक्षण घेवून मुंबईला प्रस्थान केलं होतं. सुरूवातीला टीव्हीमध्ये काम करत शाहरूख खानने नंतर चित्रपटांमध्ये एंट्री घेतली. कठोर परिश्रम करत सर्व अडथळ्यांवर मात करून बॉलिवूडमधील रोमान्सचा बादशाह बनला. आज शाहरुख खानचे नाव जगभरात घेतले जाते.
Mumbai News : अंधेरी पूर्व भागात सिलेंडरचा स्फोट होऊन भीषण आग; काही कामगार अडकल्याची भीती
यावेळी शाहरुखचा वाढदिवस एका खास पद्धतीने साजरा केला जाणार आहे. किंग खान इंडस्ट्रीतील जवळचे मित्र आणि कुटुंबियांसोबत वाढदिवस साजरा करणार आहे. किंग खानच्या वाढदिवसाच्या भव्य सोहळ्यासाठी सुमारे 250 लोकांना आमंत्रित करण्यात आलंय. आजच्या खास प्रसंगी शाहरुख खान ‘किंग’ या आगामी चित्रपटाची घोषणा करण्याची शक्यता आहे. या चित्रपटात शाहरूख त्याची मुलगी सुहाना खानसोबत स्क्रीन शेअर करणार आहे.
किंग खानच्या चाहत्यांना त्यांच्या आवडत्या अभिनेत्याच्या वाढदिवसाच्या दिवशी एक मोठं सरप्राईज मिळणार आहे. शाहरूख खानसाठी 2023 हे वर्ष कामाच्या बाबतीत भाग्यवान ठरलं. बॅक टू बॅक फ्लॉपनंतर त्याने धमाकेदार पुनरागमन केले. पठाण ते जवान चित्रपटांनी बॉक्स ऑफिसवर दबदबा दाखवला. दोघांनी कमाईचे रेकॉर्ड तोडले. चाहते शाहरूख खानच्या आगामी सिनेमाची वाट पाहत आहेत.
